ក្រុមអ្នកចរចាកំពុងតែរកមិនទាន់បាននូវកិច្ចព្រមព្រៀងដ៏មានសក្ដានុពលមួយដើម្បីដោះស្រាយសំណួរដ៏ក្ដៅគគុកបំផុតដែលលេចឡើងពីអនាគតរបស់ស៊ីរី ជុំវិញការដកអាវុធចេញេពីសមរភូមិចុងក្រោយ នោះគឺជោគវាសនារបស់កងកម្លាំងឃឺដ ដែលសហរដ្ឋអាមេរិកចាត់ទុកថាជាសម្ព័ន្ធមិត្តដ៏សំខាន់ប្រឆាំងនឹងក្រុមរដ្ឋអ៊ិស្លាម ប៉ុន្តែប្រទេសទួរគីនៅជិតខាង ចាត់ទុកថាជាការគំរាមកំហែងសន្តិសុខជាតិ។

ប្រភពរាប់សិបបានប្រាប់សារព័ត៌មានរ៉យទ័រថា ក្រុមអ្នកចរចាការទូត និងយោធាមកពីអាមេរិក ទួរគី ស៊ីរី និងកងកម្លាំងប្រជាធិបតេយ្យស៊ីរី SDF ដឹកនាំដោយក្រុមឃឺដ កំពុងតែបង្ហាញពីភាពបត់បែន និងការអត់ធ្មត់យ៉ាងខ្លាំងនៅក្នុងកិច្ចពិភាក្សាប៉ុន្មានសប្ដាហ៍មកនេះ។

ប្រភពបន្តថា នេះអាចកំណត់ជាដំណាក់កាលសម្រាប់កិច្ចព្រមព្រៀងមួយនៅក្នុងប៉ុន្មានខែខាងមុខ ដែលនឹងឃើញក្រុមយុទ្ធជនឃឺដមួយចំនួនចាកចេញពីភាគឦសានដែលនៅសេសសល់របស់ស៊ីរី ហើយអ្នកផ្សេងទៀតត្រូវបានស្ថិតនៅក្រោមអំណាចរបស់ក្រសួងការពារជាតិថ្មី។

នៅក្នុងបទសម្ភាសន៍មួយ មេបញ្ជាការកងកម្លាំង SDF លោក Mazloum Abdi និយាយថា "តម្រូវការមូលដ្ឋាន" របស់សម្ព័ន្ធប្រដាប់អាវុធគឺការគ្រប់គ្រងវិមជ្ឈការ — ដោយនេះជាបញ្ហាប្រឈមមួយចំពោះមេដឹកនាំថ្មីរបស់ស៊ីរី ដែលចង់នាំយកប្រទេសទាំងអស់មកក្រោមការគ្រប់គ្រងរបស់រដ្ឋាភិបាលវិញ បន្ទាប់ពីផ្ដួលរំលំលោក Bashar al-Assad៕