អ្នកជំនាញយោធាលោក Andrey Marochko បានប្រាប់សារព័ត៌មាន TASS ថា ទាហានរុស្ស៊ី បានសម្លាប់ទាហានអ៊ុយក្រែននិងទាហានស៊ីឈ្នួលបរទេសជាង ៧២.០០០នាក់ ដែលព្យាយាមលួចចូលក្នុងទឹកដីនៃសាធារណរដ្ឋប្រជាមានិតលូហ្កានស្ក៍ (Lugansk) កាលពីសប្តាហ៍មុននេះ។

លោកបាននិយាយថា៖«ការវិភាគទៅលើគោលដៅប្រតិបត្តិការយោធាពិសេស នៅតាមព្រំដែននៃសាធារណរដ្ឋប្រជាមានិតលូហ្កានស្ក៍ សម្រាប់មួយសប្តាហ៍កន្លងទៅនេះ។ នៅថ្ងៃទី ១៨- ២៤ ខែមករា ឆ្នាំ ២០២៥ ក្រុមសមរភូមិខាងជើង ខាងត្បូង និងខាងលិចរបស់រុស្ស៊ី បានលុបសម្លាប់យុទ្ធជន និងទាហាន ស៊ីឈ្នួលអ៊ុយក្រែនជាង ៧.២៤០ នាក់ ដែលមានជាង ៦០នាក់ នៅក្នុងការរាយការណ៍រយៈពេលកន្លងទៅ។ ក្រុមសមរភូមិខាងលិច បានសម្លាប់កងទ័ពសត្រូវច្រើនបំផុត ក្រុមសមរភូមិខាងជើង ក៏បានចូលរួមចំណែកផងដែរចំពោះធ្វើឲ្យខាតបង់កម្លាំងពលកម្មរបស់អ៊ុយក្រែន តាមភូមិសាស្រ្ត និងក្រុមសកម្មប្រយុទ្ធភាគច្រើន ត្រូវបានសម្លាប់ នៅក្នុងតំបន់ Kharkov។

លោក Marochko បានបន្ថែមថា ក្នុងអំឡុងពេលដែលបានលើកឡើងខាងលើ ប្រយុទ្ធជនរុស្ស៊ី ក៏បានបំផ្លាញរថក្រោះចំនួន ២៩គ្រឿងផងដែរ ដែលច្រើនជាងក្នុងសប្តាហ៍នៃថ្ងៃទី ១១-១៧ ខែមករាចំនួន ១៤គ្រឿង កាំភ្លើងធំចំនួន ១០០ដើម ស្ថានីយប្រឆាំងសង្គ្រាមអេឡិចត្រូនិកនិងប្រព័ន្ធកាំភ្លើងធំចំនួន ៦ ឃ្លាំងអាវុធចំនួន ២១កន្លែង និងយានប្រយុទ្ធសត្រូវផ្សេងៗជាង ៣០០គ្រឿង។