មេដឹកនាំក្រុមហេបូឡា លោក សេក ណែម កាសេម (Sheikh Naim Qassem) បាននិយាយកាលពីថ្ងៃចន្ទសប្ដាហ៍នេះថា អ៊ីស្រាអែល គួរតែដកទ័ពចេញពីតំបន់ព្រំដែន ដែលខ្លួនកាន់កាប់នៅភាគខាងត្បូងប្រទេសលីបង់ ដោយបដិសេធការពន្យារពេលនៃការបន្តបទឈប់បាញ់ដល់ថ្ងៃទី១៨ ខែកុម្ភៈ។

លោកកាសេម បាននិយាយនៅក្នុងសុន្ទរកថា ដែលផ្សាយដោយស្ថានីយ៍ទូរទស្សន៍របស់កក្រុមហេសបូឡា Al Manar ថា អ៊ីស្រាអែលគួរតែចាកចេញ។ យើងមិនទទួលយកការបន្ថែមពេលកំណត់ឡើយហើយយើងនឹងនឹងទទួលហេតុផលណាមួយ ក្នុងការពន្យារពេលជាលើកទី២ឡើយ។

ការអត្ថាធិប្បាយរបស់លោកបានធ្វើឡើង បន្ទាប់ពីសេតវិមាន បានប្រកាសនៅក្នុងសេចក្តីថ្លែងការណ៍មួយកាលពីថ្ងៃអាទិត្យថា កិច្ចព្រមព្រៀងឈប់បាញ់សម្របសម្រួលដោយសហរដ្ឋអាមេរិកដែលបានបញ្ចប់សង្គ្រាមរវាងលីបង់ និងអ៊ីស្រាអែលកាលថ្ងៃទី២៧ខែវិច្ឆិកា នឹងនៅតែមានសុពលភាពរហូតដល់ថ្ងៃទី ១៨ខែកុម្ភៈ ។

ពេលវេលាកំណត់រយៈពេល ៦០ ថ្ងៃនៃបទឈប់បាញ់បានផុតកំណត់នៅព្រឹកព្រលឹមថ្ងៃអាទិត្យចុងសប្ដាហ៍មុន ប៉ុន្តែអ៊ីស្រាអែលបានបដិសេធមិនបញ្ចប់ការដកកងកម្លាំងរបស់ខ្លួនចេញពីភាគខាងត្បូងប្រទេសលីបង់ ដោយសំអាងថា កងទ័ពលីបង់មានភាពយឺតយ៉ាវក្នុងការដាក់ពង្រាយឡើងវិញ ខណៈ ក្រុមហេសបូឡា នៅតែរក្សាវត្តមានយោធារបស់ខ្លួននៅក្នុងតំបន់នានា ដែលត្រូវបានហាមប្រាមដោយកិច្ចព្រមព្រៀង៕