លោក Andrey Kelin ឯកអគ្គរដ្ឋទូតរុស្ស៊ីប្រចាំនៅចក្រភពអង់គ្លេស បាននិយាយថា គោលនយោបាយប្រឆាំងរុស្ស៊ីរបស់ចក្រភពអង់គ្លេស មានឫសគល់យ៉ាងជ្រៅនិងយូរអង្វែង ដែលពិបាកនឹងរំពឹងថា ពួកវានឹងត្រូវផ្លាស់ប្តូរណាស់ បើទោះបីជាសហរដ្ឋអាមេរិក ចាប់ផ្តើមអនុវត្តគំនិតផ្សេងៗ នៅក្រោមរដ្ឋបាលថ្មីក៏ដោយ។ 

លោកបានប្រាប់សារព័ត៌មាន TASS ថា៖«វាហាក់បីដូចជាសញ្ញាស្ថាបនាបែបសម្មតិកម្មពីទីក្រុងវ៉ា    ស៊ីនតោន នឹងមិនត្រូវបានកំណត់សម្រាប់ទីក្រុងឡុងដ៍ទេ។ ចូរយើងចងចាំថា ការបង្កហេតុនៅក្នុងទីក្រុង Salisbury ក្នុងឆ្នាំ ២០១៨ និងការភាពវឹកវរជាបន្តបន្ទាប់នៃការប្រឆាំងរុស្ស៊ី ដែលហួសពីព្រំដែននៃប្រទេសអង់គ្លេស បានកើតឡើងនៅទីនេះក្នុងអំឡុងពេល ដែលតំណែងប្រធានាធិបតីអាណត្តិទី១ របស់ លោក ដូណាល់ ត្រាំ»។ 

ឯកអគ្គរដ្ឋទូតរូបនេះ បានបន្តថា៖«គោលនយោបាយប្រឆាំងរុស្ស៊ីរបស់ចក្រភពអង់គ្លេសបានចាក់ឫសយ៉ាងជ្រៅ យូរអង្វែង និងផ្អែកលើការឯកភាពគ្នាសម្រាប់ក្រុមឥស្សរជន ទោះបីជាវាបង្កការខូចខាតដល់ប្រជាជន និងសេដ្ឋកិច្ច ក្នុងតំបន់ក៏ដោយ។ រដ្ឋាភិបាលនៃគណបក្សការងារបច្ចុប្បន្ននេះ បានប្តេជ្ញាចំពោះរបៀបវារៈនេះ ជាមួយនឹងសកម្មភាពរិះគន់ជាញឹកញាប់ មិនមែនជាមិត្តភាពរាប់មិនអស់ និងសេចក្តីថ្លែងការណ៍មួយចំនួន ក្នុងរយៈពេល ៦ខែកន្លងទៅនេះ»។ 

យោងតាមលោក Kelin បានឲ្យដឹងថា ប្រទេសរុស្ស៊ី បានត្រៀមខ្លួនរួចជាស្រេច ក្នុងការធ្វើឲ្យប្រសើរឡើងនូវទំនាក់ទំនង ជាមួយចក្រភពអង់គ្លេស ប៉ុន្តែអ្វីៗទាំង គឺស្ថិតនៅលើការសម្រេចចិត្ត និងការទទួលខុសត្រូវរបស់ទីក្រុងឡុងដ៍។