សមាជិកកងកម្លាំងការពារព្រំដែនតាកទិករបស់ឆ្នាំជាតិរដ្ឋតិចសាស់ បានធ្វើសមយុទ្ធហ្វឹកហ្វឺនផ្នែកសន្តិសុខរួមគ្នាជាមួយក្រសួងសុវត្ថិភាពសាធារណៈរដ្ឋតិចសាស់ និងអង្គភាពល្បាតព្រំដែនសហរដ្ឋអាមេរិក នៅតាមបណ្តោយព្រំដែនសហរដ្ឋអាមេរិក-ម៉ិកស៊ិក។

ប្រតិបត្តិការនេះ បានដាក់ពង្រាយកម្លាំងទាហានតាមព្រំដែនតាកទិក៤០០នាក់ នៅឧទ្យាន Anzalduas ក្នុងរដ្ឋ Texas ដោយបង្ហាញពីវិធានការសន្តិសុខដែលត្រូវបានសម្របសម្រួល រវាងទីភ្នាក់ងាររដ្ឋ និងសហព័ន្ធ។

ឧទ្ធម្ភាគចក្រ Chinook និងយន្តហោះផ្សេងទៀត ត្រូវបានគេបង្ហាញនៅក្នុងសមយុទ្ធនេះ។

ការហ្វឹកហ្វឺន បានបង្ហាញពីការកើនឡើងវត្តមានយោធាក្នុងតំបន់បន្ទាប់ពីប្រធានាធិបតី លោក Donald Trump ឡើងកាន់តំណែង។

នៅថ្ងៃដំបូងនៃការចូលកាន់តំណែង លោក Trump បានប្រកាសថា ការធ្វើអន្តោប្រវេសន៍គ្មានឯកសារជាគ្រាអាសន្នជាតិ ដោយប្រគល់ភារកិច្ចទៅឱ្យយោធាអាមេរិកអនុវត្តសន្តិសុខនៅតាមព្រំដែន ខណៈចេញបម្រាមដ៏ទូលំទូលាយលើសិទ្ធិជ្រកកោន និងចាត់វិធានការរឹតត្បិតសញ្ជាតិសម្រាប់កុមារដែលកើតនៅលើទឹកដីសហរដ្ឋអាមេរិក។