​

ប្រព័ន្ធផ្សព្វផ្សាយរដ្ឋ បានរាយការណ៍កាលពីថ្ងៃសុក្រថា យោធាដែលកំពុងកាន់អំណាចនៅសហភាពមីយ៉ាន់ម៉ា បានបន្ថែមពេលដាក់រដ្ឋក្នុងគ្រាអាសន្នរយៈពេល៦ខែទៀត។ ការប្រកាសនេះ ធ្វើឡើងមួយថ្ងៃមុនខួបលើកទីបួន នៃរដ្ឋប្រហារ។

ខណៈប្រទេសត្រៀមរៀបចំការបោះឆ្នោត ត្រូវបានគេមើលឃើញយ៉ាងទូលំទូលាយថា ជាការខិតខំប្រឹងប្រែងរបស់ឧត្តមសេនីយ៍កំពុងកាន់អំណាច ដើម្បីទទួលបានភាពស្របច្បាប់។ 

សហភាពមីយ៉ាន់ម៉ា បានជាប់គាំងក្នុងសង្គ្រាមស៊ីវិល បង្កឡើងដោយការដណ្តើមកាន់កាប់ដោយយោធានៅឆ្នាំ ២០២១ ដែលបានផ្តួលរំលំរដ្ឋាភិបាលស៊ីវិលជាប់ឆ្នោតរបស់ម្ចាស់ពានរង្វាន់ណូបែលសន្តិភាព លោកស្រី Aung San Suu ។ ការបោះឆ្នោតនៅពេលបន្ទាប់នេះ នៅពុំទាន់កំណត់កាលបរិច្ឆេទនៅឡើយ។

ប៉ុន្តែ ភាពតានតឹងនឹងកើនឡើងនៅមុនការបោះឆ្នោតដែលត្រូវបានរំពឹងទុក ខណៈកម្លាំងជាច្រើនបានប្រឆាំងរបបយោធានេះ។ ការបោះឆ្នោត នឹងធ្វើឡើងតែពាក់កណ្តាលប្រទេសប៉ុណ្ណោះ ហើយក្រុមប្រឆាំងរាប់សិបក្រុម ត្រូវបានហាមឃាត់។ 

លោក David Mathieson ជាអ្នកវិភាគ បាននិយាយថា «មានគ្រោះថ្នាក់ពិតប្រាកដ ដែលការបោះឆ្នោត អាចក្លាយជាការបង្ហូរឈាម ប្រសិនបើកងកម្លាំងបដិវត្តន៍ សម្រេចវាយប្រហារលើការិយាល័យបោះឆ្នោត មន្ត្រីរៀបចំការបោះឆ្នោត និងបេក្ខជនគណបក្ស»។

អ្នកប្រឆាំងរដ្ឋាភិបាលយោធា បានជំរុញឱ្យប្រទេសផ្សេងទៀត កុំទទួលស្គាល់លទ្ធផល ដោយនិយាយថា វានឹងធ្វើឡើងប្រឆាំងឆន្ទៈរបស់ប្រជាជន។