អគ្គលេខាធិកាសម្ព័ន្ធយោធាណាតូ លោក Mark Rutte បាននិយាយកាលពីថ្ងៃចន្ទ ទី០៣ ខែកុម្ភៈ ក្នុងអំឡុងសន្និសីទសារព័ត៌មានជាមួយនាយករដ្ឋមន្ត្រីអង់គ្លេស លោក Keir Starmer នៅទីក្រុង ប្រុចស៊ែល(Brussels) ថា ការការពារអឺរ៉ុបដោយគ្មានសហរដ្ឋអាមេរិក «នឹងមិនដំណើរការទេ»។

លោក Rutte បាននិយាយទៅកាន់អ្នកសារព័ត៌មានថា «សម្ព័ន្ធយោធាណាតូ ឬអ្វីក៏ដោយដែលអង្គការនេះ ក្រោយមកត្រូវបានគេចាត់ទុកថា បើគ្មានសហរដ្ឋអាមេរិក ដោយសារហេតុផលជាច្រើន នោះនឹងមិនដំណើរការទេ» ។

លោកនាយករដ្ឋមន្ត្រីអង់គ្លេស បាននិយាយថា ប្រទេសរបស់លោក នឹងមិនជ្រើសរើសយកម្ខាងៗរវាងទាំងសហរដ្ឋអាមេរិក ឬសហភាពអឺរ៉ុប នោះទេ ដោយសង្កត់ធ្ងន់ថា វាជារឿងសំខាន់ក្នុងការធ្វើការជាមួយដៃគូទាំងពី រលើវិស័យដូចជាពាណិជ្ជកម្ម និងសន្តិសុខ។

មេដឹកនាំសហភាពអឺរ៉ុប បានបើកកិច្ចប្រជុំក្រៅផ្លូវការមួយ នៅរដ្ឋធានីប្រទេសបែលហ្ស៊ិក កាលពីថ្ងៃចន្ទ បន្ទាប់ពីទីផ្សារហិរញ្ញវត្ថុសកល បានធ្លាក់ចុះដោយសារការបន្ថែមពន្ធលើប្រទេសកាណាដា ម៉ិកស៊ិក និងប្រទេសចិន ដោយប្រធានាធិបតីសហរដ្ឋអាមេរិក លោក Donald Trump ត្រៀមទប់ទល់សម្រាប់ចំណាត់កាតបន្ទាប់របស់លោក ជាមួយសហភាពអឺរ៉ុប។