​បាល់ទាត់៖ ​ព័រទុយហ្កាល់​បាន​ឡើងមក​លើ​គេ​វិញ​ក្នុង​ពូ​ល A នៃ​វគ្គ​ជំ​រុះ World Cup ២០២២ តំបន់​អឺរ៉ុប​ក្រោយ​ស្មើ​នៅ​ទឹកដី​សាធារណរដ្ឋ​អៀក​ឡង់ ០-០​។ ​​មិនមែនជា​ប្រកួត​ដ៏​ល្អ​សំរាប់​ព័រទុយហ្កាល់​ឡើយ​ស្របពេល Cristiano Ronaldo ធ្វើ​អ្វី​អ្នកចាំទី​អៀក​ឡង់ Gavin Bazanu មិនបាន ​ខណៈ​ខ្សែការពារ Pepe ត្រូវបាន​បណ្តេញចេញ​ទៀត​នៅ​នាទី​ទី៨១ ក្រោយ​ទទួល​កាត​លឿង​ទី២​។

​​ការប្រកួត​នៅ​កីឡដ្ឋាន Aviva ទីក្រុង Dublin មាន​អ្នកគាំទ្រ​ចូល​ទស្សនា​ជាង ៥ម៉ឺន​នាក់ ​ខណៈ​អៀក​ឡង់​ដែល​អស់​ឱកាស​បង្ហាញខ្លួន​នៅ World Cup ទៅហើយនោះ​មានឱកាស​ច្រើន​ផងដែរ ​ទៅលើ​ព័រទុយហ្កាល់​នៅ​ចុង​ម៉ោង​តែ​មិនមាន​សំណាង​។ ​​ក្រុម​របស់លោក Fernando Santos នៅពេលនេះ​ឡើងមក​ឈរលើ​គេ​វិញ​ក្នុង​ពូ​ល A នៃ​វគ្គ​ជំ​រុះ​នេះ​ដោយមាន ១៧ពិន្ទុ​ស្មើគ្នា​ជាមួយ​ក្រុម​លេខ ២ ស៊ែ​ប​តែ​ចំណេញ​គ្រាប់​បាល់​ច្រើនជាង ៤គ្រាប់​។ ​​ថ្ងៃអាទិត្យ ​ទី១៤ នេះ​នឹង​ជា​ជំនួប​ចុងក្រោយ​នៃ​វគ្គ​ជំ​រុះ​តំបន់​អឺរ៉ុប​ដោយ​ព័រទុយហ្កាល់ និង​ស៊ែ​ប​ត្រូវ​ជួបគ្នា​នៅ​ទឹកដី​ទីក្រុង Lisbon ប្រទេស​ព័រទុយហ្កាល់​។ ​លទ្ធផល​ត្រឹម​ស្មើនឹង​ធ្វើឱ្យ​ព័រទុយហ្កាល់​បាន​កៅអី​នៅ​កាតា​ក្នុងនាម​ជា​ក្រុម​លេខ ១ ក្នុង​ពូ​ល​ ខណៈ​ក្រុម​លេខ ២ ត្រូវ​លេង​វគ្គ Play-Off៕

​អត្ថបទ​៖​នាង សុភា​វុ​ធ