ការប្រកាសរបស់ប្រធានាធិបតីអាមេរិក Donald Trump កាលពីថ្ងៃអង្គារ (០៤ កុម្ភៈ) ថាសហរដ្ឋអាមេរិក នឹងកាន់កាប់តំបន់ហ្កាហ្សាស្រ្ទីប បន្ទាប់ពីប្រជាជនប៉ាឡេស្ទីនត្រូវបានតាំងទីលំនៅកន្លែងផ្សេងទៀត បានធ្វើឱ្យមានប្រតិកម្មរិះគន់យ៉ាងខ្លាំងក្លាពីសំណាក់អ្នកនយោបាយ និងមេដឹកនាំជាច្រើន។

នាយករដ្ឋមន្ត្រីអូស្ត្រាលី លោក Anthony Albanese លើកឡើងថា "ជំហររបស់អូស្ត្រាលី គឺនៅតែដដែល! រដ្ឋាភិបាលអូស្ត្រាលី គាំទ្រមូលដ្ឋានទ្វេបក្សលើដំណោះស្រាយរដ្ឋពីរ"។

អ្នកនយោបាយប៉ាឡេស្ទីន-អាមេរិកខាងបក្សប្រជាធិបតេយ្យ លោកស្រី Rashida Tlaib និយាយថា "ប្រជាជនប៉ាឡេស្ទីនមិនទៅណាទេ។ ប្រធានាធិបតីអាមេរិក អាចនិយាយកុហកបោកបញ្ឆោតបែបនេះបានដោយសារតែការគាំទ្រទ្វេបក្សក្នុងសភាសម្រាប់អំពើប្រល័យពូជសាសន៍ និងការបោសសម្អាតជនជាតិ។ វាដល់ពេលហើយសម្រាប់ដំណោះស្រាយរដ្ឋពីរលើបញ្ហាអ៊ីស្រាអែល-ប៉ាឡេស្ទីន"។

ព្រឹទ្ធសមាជិកអាមេរិក លោក Chris Van Hollen ក្រុមប្រឹក្សាក្រុមតស៊ូមតិមូស្លីមអាមេរិក ស្តីពីទំនាក់ទំនងអ៊ីស្លាមអាមេរិក វិទ្យាស្ថានអារ៉ាប់អាមេរិក នាយកប្រតិបត្តិ អង្គការលើកលែងទោសអន្តរជាតិសហរដ្ឋអាមេរិក មន្ត្រីជាន់ខ្ពស់ក្រុមហាម៉ាស ព្រមទាំងអ្នកនយោបាយជាន់ខ្ពស់ផ្សេងទៀតក៏បានរិះគន់យ៉ាងខ្លាំង និងសម្ដែងការមិនពេញចិត្តរបស់ពួកគេជុំវិញការលើកឡើងនោះ៕