ក្រសួងការបរទេសនៃប្រទេសនេះ បានលើកឡើង នៅពថ្ងៃព្រហស្បតិ៍នេះថា ប្រទេសម៉ាឡេស៊ី មើលឃើញថា សំណើណាមួយសម្រាប់ការផ្លាស់ទីលំនៅដោយបង្ខំនូវជនជាតិប៉ាឡេស្ទីន គឺជាការបោសសម្អាតជនជាតិភាគតិច និងការបំពានច្បាប់អន្តរជាតិ បន្ទាប់ពីប្រធានាធិបតីសហរដ្ឋអាមេរិក លោក ដូណាល់ ត្រាំ បានស្នើសុំគ្រប់គ្រងតំបន់ហ្កាហ្សាដោយសហរដ្ឋអាមេរិក។

សេចក្តីថ្លែងការណ៍ បានឲ្យដឹងថា៖«ម៉ាឡេស៊ីប្រឆាំងដាច់ខាតចំពោះសំណើណាមួយ ដែលអាចនាំឲ្យមានការជម្លៀស ឬផ្លាស់ប្តូរទីលំនៅដោយបង្ខំនូវជនជាតិប៉ាឡេស្ទីនពីទឹកដីកំណើតរបស់ពួកគេ។ សកម្មភាពអមនុស្សធម៌បែបនេះ គឺជាការបោសសម្អាតជនជាតិភាគតិច និងជាការបំពានយ៉ាងច្បាស់លើច្បាប់អន្តរជាតិ និងសេចក្តីសម្រេចជាច្រើនរបស់អង្គការសហប្រជាជាតិ»។

ក្រសួងបានបញ្ជាក់យ៉ាងច្បាស់ថា ខ្លួនគាំទ្រដំណោះស្រាយរដ្ឋពីរ ដែលជាផ្លូវឆ្ពោះទៅរកសន្តិភាព និង    ស្ថិរភាពយូរអង្វែង។

ម៉ាឡេស៊ីដែលមានប្រជាជនម៉ូស្លីមភាគច្រើន គឺជាអ្នកគាំទ្រដ៏រឹងមាំដល់បុព្វហេតុប៉ាឡេស្ទីន ហើយបាន   តស៊ូមតិជាយូរមកហើយសម្រាប់ដំណោះស្រាយរដ្ឋពីរ ចំពោះជម្លោះរវាងអ៊ីស្រាអែល និងប៉ាឡេស្ទីន។

ប្រទេសម៉ាឡេស៊ី ពុំមានទំនាក់ទំនងការទូត ជាមួយអ៊ីស្រាអែលទេ។

លោកនាយករដ្ឋមន្ត្រី អាន់វ៉ា អ៊ីប្រាហ៊ីម (Anwar Ibrahim) បាននិយាយថា លោករក្សាទំនាក់ទំនងល្អជាមួយអង្គភាពនយោបាយនៃក្រុមសកម្មប្រយុទ្ធប៉ាឡេស្ទីនហាម៉ាស ប៉ុន្តែមិនមានការទាក់ទងជាមួយអង្គភាពយោធារបស់ក្រុមនេះទេ។