អតីតរដ្ឋាភិបាលបង់ក្លាដែស នៅពីក្រោយការវាយប្រហារជាប្រព័ន្ធ និងការសម្លាប់បាតុករ ខណៈដែលខ្លួនបានខិតខំ ដើម្បីកាន់អំណាចកាលពីឆ្នាំមុន ដោយព្រមានថា ការរំលោភបំពានអាចឈានដល់ «ឧក្រិដ្ឋកម្មប្រឆាំងមនុស្សជាតិ»។

អង្គការសហប្រជាជាតិ បាននិយាយថា មុនពេលលោកស្រីនាយករដ្ឋមន្ត្រី Sheikh Hasina ត្រូវបានផ្តួលរំលំ នៅក្នុងបដិវត្តន៍ដឹកនាំដោយនិស្សិត កាលពីខែសីហា ឆ្នាំមុន រដ្ឋាភិបាលរបស់លោកស្រី បានត្រួតពិនិត្យការបង្រ្កាបជាប្រព័ន្ធលើបាតុករ និងអ្នកដទៃ រួមទាំង «ការសម្លាប់មនុស្សក្រៅប្រព័ន្ធតុលាការរាប់   រយនាក់»។

ការចេញផ្សាយការរកឃើញនៃការស៊ើបអង្កេតស្វែងរកការពិតរបស់ខ្លួនចំពោះព្រឹត្តិការណ៍ នៅក្នុងប្រទេសបង់ក្លាដែស ចន្លោះថ្ងៃទី ០១ ខែកក្កដា ដល់ថ្ងៃទី ១៥ ខែសីហា ឆ្នាំ ២០២៤ ការិយាល័យសិទ្ធិមនុស្សរបស់អង្គការសហប្រជាជាតិ បានអះអាងថា ខ្លួនមាន «ហេតុផលសមហេតុផល ដើម្បីជឿថា ឧក្រិដ្ឋកម្មប្រឆាំងនឹងមនុស្សជាតិនៃការសម្លាប់ ការធ្វើទារុណកម្ម ការចាប់ដាក់ពន្ធនាគារ និងការរំលោភបំពាននៃអំពើអមនុស្សធម៌ផ្សេងទៀត បានកើតឡើង»។

ឧក្រិដ្ឋកម្មទាំងនះ ដែលត្រូវបានចោទប្រកាន់ថា បានប្រព្រឹត្តដោយរដ្ឋាភិបាល រួមជាមួយនឹងសមាសភាពហិង្សានៃគណបក្ស Awami League របស់លោកស្រី និងសេវាសន្តិសុខ និងចារកម្មបង់ក្លាដែស គឺជាផ្នែកនៃ «ការវាយប្រហារយ៉ាងទូលំទូលាយ និងជាប្រព័ន្ធប្រឆាំងនឹងក្រុមបាតុករ និងជនស៊ីវិលដទៃទៀត ដែលជាការបន្ថែមទៅលើ (កិច្ចប្រឹងប្រែង)របស់អតីតរដ្ឋាភិបាល ដើម្បីធានាការបន្តកាន់អំណាចរបស់ខ្លួន»។