រដ្ឋមន្ត្រីក្រសួងការពារជាតិសហរដ្ឋអាមេរិក លោក Pete Hegseth កំពុងជំរុញដើម្បីបញ្ចប់ការវាយលុករយៈពេលបីឆ្នាំរបស់រុស្ស៊ី លើអ៊ុយក្រែន។

លោក បានជួបជាមួយសម្ព័ន្ធយោធាណាតូ ជាលើកដំបូងក្នុងទីក្រុងព្រុចសែលកាលពីថ្ងៃពុធ ហើយបានប្រាប់សម្ព័ន្ធយោធានេះថា សង្រ្គាមត្រូវតែបញ្ចប់។ ទោះជាយ៉ាងណា លោកបានផ្ញើសារយ៉ាងច្បាស់អំពីការកំណត់នៃតួនាទីរបស់សម្ព័ន្ធមិត្ត។

លោក Hegseth បាននិយាយថា សហរដ្ឋអាមេរិក មិនជឿថា សមាជិកភាពរបស់សម្ព័ន្ធយោធាណាតូសម្រាប់ប្រទេសអ៊ុយក្រែន គឺជាលទ្ធផលជាក់ស្តែងនៃដំណោះស្រាយដែលបានចរចានោះទេ។ ផ្ទុយទៅវិញ ការធានាបានសន្តិសុខណាមួយ ត្រូវតែបានគាំទ្រដោយទាហានសហភាពអឺរ៉ុប និងមិនមែនសហភាពអឺរ៉ុប ដែលមានសមត្ថភាព។

លោក បាននិយាយបន្ថែមថា កងកម្លាំងរក្សាសន្តិភាព គួរតែត្រូវបានដាក់ពង្រាយ ជាផ្នែកនៃបេសកកម្មមិនមែនសម្ព័ន្ធយោធាណាតូ ហើយគ្មានកងកម្លាំងអាមេរិកណាមួយ ពាក់ព័ន្ធឡើយ។

លោក Hegseth និយាយថា សហរដ្ឋអាមេរិក ចាំបាច់ត្រូវផ្តោតការយកចិត្តទុកដាក់ជំនួសវិញលើការធានាបាននៅព្រំដែនរបស់ខ្លួន។ លោកបានជំរុញឲ្យសមាជិកសម្ព័ន្ធយោធាណាតូ ប្រកាន់យកឥរិយាបថ «សន្តិភាព តាមរយៈភាពខ្លាំងក្លា» និងចំណាយបន្ថែមលើវិស័យការពារអឺរ៉ុប។

អគ្គលេខាធិការសម្ព័ន្ធយោធាណាតូ លោក Mark Rutte បានស្វាគមន៍ចំពោះគំនិតនេះ ដោយនិយាយថា លោកយល់ស្របជាមួយប្រធានាធិបតី លោក Trump និងក្រុមការងាររបស់លោកថា នេះគឺជាមធ្យោបាយតែមួយដើម្បីឈានឆ្ពោះទៅមុខ។

លោក Trump បានអំពាវនាវឱ្យសមាជិកសម្ព័ន្ធយោធាណាតូ បង្កើនការចំណាយលើវិស័យការពារជាតិពី ២ ទៅ ៥ ភាគរយនៃផលិតផលក្នុងស្រុកសរុប។

រួមគ្នាទាំងអស់ ពួកគេបានចំណាយប្រហែល ៥២ ពាន់លានដុល្លារកាលពីឆ្នាំមុន ដើម្បីជួយប្រទេសអ៊ុយក្រែន។