លោកប្រធានាធិបតី Volodymyr Zelenskiy បាននិយាយកាលពីថ្ងៃសៅរ៍ថា សេចក្តីព្រាងកិច្ចព្រមព្រៀងរ៉ែជាមួយទីក្រុងវ៉ាស៊ីនតោន មិនមានបទប្បញ្ញត្តិសន្តិសុខដែលទីក្រុង Kyiv ត្រូវការទេ ហើយប្រភពចំនួនបីបាននិយាយថា សហរដ្ឋអាមេរិកបានស្នើរសុំកាន់កាប់៥០% នៃរ៉ែសំខាន់ៗរបស់អ៊ុយក្រែន។

ការចរចានេះបង្ហាញពីដែនទឹកការទូតដ៏គ្រោះថ្នាក់ ដែលមេដឹកនាំអ៊ុយក្រែនត្រូវតែធ្វើនាវាចរណ៍ ខណៈលោកស្វែងរកការឈ្នះការគាំទ្រពីលោក Donald Trump និងការធានាសន្តិសុខក្រោយសង្គ្រាម ទន្ទឹមប្រធានាធិបតីអាមេរិកជំរុញឱ្យបញ្ចប់សង្រ្គាមជាមួយរុស្ស៊ី។  

ប្រភពពីរដឹងពីបញ្ហានេះបាននិយាយថា រដ្ឋមន្ត្រីក្រសួងរតនាគារសហរដ្ឋអាមេរិក លោក Scott Bessent បានបង្ហាញសេចក្តីព្រាងកិច្ចព្រមព្រៀងមួយក្នុងអំឡុងពេលធ្វើដំណើរទៅកាន់ទីក្រុង Kyiv កាលពីថ្ងៃពុធ បន្ទាប់ពីលោក Zelenskiy លើកឡើងពីកិច្ចព្រមព្រៀងដែលអាចបើកទ្វារទ្រព្យសម្បត្តិធម្មជាតិដ៏ធំរបស់អ៊ុយក្រែនដល់ការវិនិយោគរបស់សហរដ្ឋអាមេរិក។

អ៊ុយក្រែន ដែលកំពុងព្យាយាមបង្កើតទំនាក់ទំនងជាមួយលោក Trump ដោយការអំពាវនាវដ៏ខ្លាំងក្លា សម្រាប់កិច្ចព្រមព្រៀងមួយ មិនបានបង្ហាញពីខ្លឹមសារនៃកិច្ចពិភាក្សានោះទេ ទោះបីជាប្រភពពីររបស់អ៊ុយក្រែនបាននិយាយកាលពីថ្ងៃសុក្រថាក្រុង Kyiv បានផ្តល់សេចក្តីព្រាងកែសម្រួលមួយទៅភាគីសហរដ្ឋអាមេរិកក៏ដោយ៕