ប្រធានាធិបតីអេហ្ស៊ីប អាប់ដែល ហ្វាតា អាល់ស៊ីស៊ី Abdel-Fattah al-Sisi និងព្រះម្ចាស់ហ្ស៊កដានី Al Hussein bin Abdullah II កាលពីថ្ងៃអាទិត្យ បានសង្កត់ធ្ងន់ពីភាពចាំបាច់នៃការចាប់ផ្តើមការកសាងឡើងវិញនៃតំបន់តំបន់ហ្កាហ្សាស្ទ្រីបជាបន្ទាន់ ដោយមិនត្រូវផ្លាស់ទីប្រជាជនប៉ាឡេស្ទីន ចេញពីដីរបស់ពួកគេឡើយ។

ក្នុងអំឡុងពេលកិច្ចប្រជុំមួយ នៅរដ្ឋធានីគែររបស់ប្រទេសអេហ្ស៊ីប ពួកគេបានរំលឹកឡើងវិញថា ការបង្កើតរដ្ឋប៉ាឡេស្ទីនឯករាជ្យមួយ នៅតាមបណ្តោយព្រំដែនថ្ងៃទី ០៤ ខែមិថុនា ឆ្នាំ ១៩៦៧ ដែលមានទីក្រុងហ្ស៊េរុយសាឡឹមខាងកើត ជារដ្ឋធានីរបស់ខ្លួន នៅតែជាការធានាតែមួយគត់សម្រាប់ការសម្រេចបាននូវសន្តិភាព និងស្ថិរភាពយូរអង្វែង នៅមជ្ឈិមបូព៌ា។

ព្រះអង្គម្ចាស់នៃប្រទេសហ្ស៊កដានី បានបញ្ជាក់ពីការគាំទ្ររបស់ប្រទេសរបស់ព្រះអង្គ ចំពោះកិច្ចខិតខំប្រឹងប្រែងរបស់ប្រទេសអេហ្ស៊ីប ក្នុងការរៀបចំផែនការកសាងឡើងវិញសម្រាប់តំបន់ហ្កាហ្សា ខណៈពេលដែលធានាឲ្យប្រជាជនប៉ាឡេស្ទីន នៅតែមាននៅលើទឹកដីរបស់ពួកគេ។

លោកក៏បានបញ្ជាក់ជាថ្មីនូវការគាំទ្ររបស់ហ្ស៊កដានីសម្រាប់កិច្ចប្រជុំកំពូលអារ៉ាប់គ្រាអាសន្ន នាពេលខាងមុខ លើបញ្ហាប៉ាឡេស្ទីនដែលអេហ្ស៊ីបធ្វើជាម្ចាស់ផ្ទះ ដោយសង្កត់ធ្ងន់លើការចាំបាច់សម្រាប់ការឯកភាពរបស់អារ៉ាប់លើបញ្ហានេះ។

លោក ស៊ីស៊ី និងព្រះអង្គម្ចាស់ Al Hussein bin Abdullah II បានព្រមានពីគ្រោះថ្នាក់នៃការកើនឡើងភាពតានតឹង ដែលកំពុងបន្តនៅតំបន់វេសបែង និងការវាយប្រហារលើទីសក្ការៈសាសនាឥស្លាម និងគ្រិស្តសាសនា នៅក្នុងទីក្រុងហ្ស៊េរុយសាឡឹម។

កិច្ចប្រជុំនេះ ក៏បានពិភាក្សាអំពីស្ថានភាព នៅក្នុងប្រទេសស៊ីរី ដោយប្រទេសទាំងពីរ បានសង្កត់ធ្ងន់លើការប្តេជ្ញាចិត្តរបស់ពួកគេ ចំពោះឯកភាព ស្ថិរភាព និងបូរណភាពទឹកដីរបស់ប្រទេសស៊ីរី។