អ៊ូហ្គង់ដា៖ រដ្ឋអ៊ីស្លាមបានអះអាងថា ខ្លួនជាអ្នកបើកការវាយប្រហារនៅកណ្ដាលរដ្ឋធានីអ៊ូហ្គង់ដាកាលពីថ្ងៃអង្គារ បន្ទាប់ពីក្មាន់បំផ្ទុះគ្រាប់អត្តឃាត ៣នាក់បានសម្លាប់មនុស្សចំនួន ៣នាក់ និងបង្ខំឲ្យក្រុមសមាជិកសភារត់គេចរកកន្លែងលាក់ខ្លួន នៅក្នុងការវាយប្រហារដោយគ្រាប់បែកចុងក្រោយបំផុតនេះ។
ការបំផ្ទុះនៅក្នុងរដ្ឋធានី Kampala ដែលបង្កឲ្យមានភាពចលាចលនៅរដ្ឋសភានោះបានធ្វើឲ្យកក្រើកប្រទេស ខណៈប្រទេសនេះប្រឹងប្រែងប្រឆាំងក្រុមសកម្មប្រយុទ្ធនៅក្នុងអាហ្វ្រិកខាងកើត ដែលមេដឹកនាំប្រទេសនេះបានប្រើពេលវេលាជាច្រើនឆ្នាំ កៀរគរការគាំទ្រផ្នែកសន្តិសុខពីប្រទេសលោកខាងលិច។ ក្រុមរដ្ឋអ៊ីស្លាមបានអះអាងទទួលខុសត្រូវតាមរយៈទីភ្នាក់ងារសារព័ត៌មាន Amaq របស់ក្រុមនេះតាម Telegram។ ឈ្មោះរបស់ក្មាន់វាយប្រហារទាំង ៣នាក់នោះបានបញ្ជាក់ថា ពួកគេជាជនជាតិអ៊ូហ្គង់ដាទាំងអស់។ អ្នកនាំពាក្យនគរបាល Fred Enanga បាននិយាយថា ចំនួនអ្នកស្លាប់សរុបរួមទាំងក្មាន់អត្តឃាតផងមានចំនួន ៦នាក់។ អ្នកកាទូតម្នាក់បានប្រាប់សារព័ត៌មាន Reuters ថា នគរបាល ២នាក់ត្រូវបានសម្លាប់។ លោកថា មនុស្ស ៣៣នាក់កំពុងសម្រាកព្យាបាលនៅក្នុងមន្ទីរពេទ្យ រួមទាំងមនុស្ស ៥នាក់មានស្ថានភាពរបួសធ្ងន់៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
