ចៅក្រមសហព័ន្ធកាលពីថ្ងៃសុក្រ បានត្រួសត្រាយផ្លូវសម្រាប់រដ្ឋបាល លោក Trump ក្នុងការដាក់បុគ្គលិកជាង២.០០០នាក់ របស់ទីភ្នាក់ងារសហរដ្ឋអាមេរិកសម្រាប់ការអភិវឌ្ឍន៍អន្តរជាតិ(USIAD)ឱ្យឈប់សម្រាកពីការងាររ ជាឧបសគ្គសម្រាប់សហជីពបុគ្គលិករដ្ឋាភិបាល ដែលកំពុងប្តឹងអំពីអ្វីដែលពួកគេបានចាត់ទុកថាជាកិច្ចខិតខំប្រឹងប្រែងដើម្បីរុះរើទីភ្នាក់ងារជំនួយបរទេស។

ចៅក្រមតំបន់សហរដ្ឋអាមេរិក លោក Carl Nichols នៅទីក្រុង Washington បានដកសេចក្តីបង្គាប់ហាមឃាត់បណ្តោះអាសន្ន ដែលលោកបានដាក់នៅដើមដំបូងនៃសំណុំរឿង ហើយបានបដិសេធ មិនចេញសេចក្តីបង្គាប់រយៈពេលវែង ដើម្បីរក្សាបុគ្គលិកឲ្យនៅក្នុងតំណែងរបស់ពួកគេ។

លោកបានសរសេរថា លោកពេញចិត្តចំពោះការធានារបស់រដ្ឋបាលនៅក្នុងឯកសារតុលាការដែលថាបុគ្គលិករបស់ទីភ្នាក់ងារ USAID នៅបរទេស ជាអ្នកដែលត្រូវបានគេដាក់ឱ្យឈប់សម្រាក នឹងនៅតែត្រូវបានការពារដោយសន្តិសុខសហរដ្ឋអាមេរិក។

លោក Skye Perryman ប្រធានអង្គការប្រជាធិបតេយ្យឆ្ពោះទៅមុខដែលមិនរកប្រាក់ចំណេញផ្នែកច្បាប់ដែលតំណាងឱ្យសហជីព បាននិយាយនៅក្នុងសេចក្តីថ្លែងការណ៍ថា «យើងមានការខកចិត្តចំពោះការសម្រេចចិត្តនៅពេលនេះ ហើយជឿថាផលប៉ះពាល់ដែលបុគ្គលិករបស់ទីភ្នាក់ងារ USAID ត្រូវប្រឈម គឺពិតប្រាកដ។