ក្រុមអ្នកពន្លត់អគ្គិភ័យ និងប្រព័ន្ធផ្សព្វផ្សាយក្នុងស្រុកបាននិយាយថា រថយន្តក្រុងដឹកនិស្សិតសាកលវិទ្យាល័យប្រេស៊ីលមួយគ្រឿង បានបុកជាមួយរថយន្តដឹកទំនិញមួយគ្រឿងទៀត បានបណ្តាលឲ្យមនុស្ស១២នាក់ស្លាប់ និង១៩នាក់រងរបួស នៅជិតទីក្រុង Ribeirao Preto ក្នុងរដ្ឋ Sao Paulo ភាគអាគ្នេយ៍ ។

សេចក្តីរាយការណ៍របស់ប្រព័ន្ធផ្សព្វផ្សាយបាននិយាយថា រថយន្តក្រុង កំពុងដឹកនិស្សិតមកពីសាកលវិទ្យាល័យ Franca ដែលគេស្គាល់ថា Unifran។

សមាគមអត្តពលិករបស់សាកលវិទ្យាល័យ បានចេញសេចក្តីថ្លែងការណ៍មួយនៅលើបណ្តាញ Instagram បង្ហាញពីសាមគ្គីភាពជាមួយមិត្តភក្តិ និងក្រុមគ្រួសាររបស់ជនរងគ្រោះ។

ក្រុមអ្នកពន្លត់អគ្គិភ័យរដ្ឋ បាននិយាយនៅលើបណ្តាញផ្សព្វផ្សាយសង្គមថា អ្នកឆ្លើយតបដំបូង បានជួយជនរងគ្រោះ៣១នាក់នៅកន្លែងកើតហេតុ រួមទាំងនិស្សិត១២ នាក់ដែលបានស្លាប់។