ប្រព័ន្ធផ្សព្វផ្សាយក្នុងស្រុកបានរាយការណ៍ថា អាជ្ញាធរបានពង្រីកការបញ្ជាជម្លៀសអ្នកស្រុកបន្ថែម ខណៈដែលចំហេះឆេះព្រៃ នៅក្នុងខេត្ត Iwate ភាគឦសានរបស់ប្រទេសជប៉ុន បានបន្តរាលដាល។

យោងតាមការផ្សាយជាសាធារណៈរបស់ទូរទស្សន៍ NHK បានឲ្យដឹងថា ផ្ទៃដីជាង ១.៤០០ហិកតា និងផ្ទះជិត ១០០ខ្នង ត្រូវបានឆេះរួចហើយ ហើយមនុស្សម្នាក់ បានបាត់បង់ជីវិត ដោយសារអគ្គិភ័យនេះ។ 

កងកម្លាំងស្វ័យការពាររបស់ជប៉ុន បានចល័តឧទ្ធម្ភាគចក្រ ដើម្បីទប់ស្កាត់អណ្ដាតភ្លើងដែលបានឆាបឆេះ ចាប់តាំងពីថ្ងៃពុធ (ទី២៦ ខែកុម្ភៈ) មក ខណៈដែលអ្នកស្រុកជាង ៤.៥០០នាក់ ត្រូវបានបញ្ជាឲ្យជម្លៀសចេញពីតំបន់នោះ។

ប្រព័ន្ធផ្សព្វផ្សាយ NHK បានរាយការណ៍ថា ការជូនដំណឹងអំពីអាកាសធាតុក្ដៅស្ងួត ត្រូវបានចេញ នៅទីក្រុង Ofunato៕