ភ្នំពេញ៖ កម្លាំងនាយកដ្ឋាននគរបាលព្រហ្មទណ្ឌក្រសួងមហាផ្ទៃ សហការជាមួយកម្លាំងសមត្ថកិច្ចមូលដ្ឋានខណ្ឌទួលគោក ធ្វើការឡោមព័ទ្ធទីតាំងអគារខុនដូរមួយកន្លែងឃាត់ខ្លួនជនជាតិចិនប្រុសស្រីជាង ១០នាក់។ ប្រតិបត្តិការនេះ ធ្វើឡើងនៅវេលាម៉ោង ៤ និង៤០នាទី ល្ងាចថ្ងៃទី២៣ ខែវិច្ឆិកា ឆ្នាំ ២០២១ ដែលស្ថិតនៅតាមបណ្តោយផ្លូវលេខ២៦១ ក្នុងសង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។
តាមប្រភពព័ត៌មានបានលួចបង្ហើបឲ្យដឹងថា ប្រតិបត្តិការនេះ គឺកម្លាំងសមត្ថកិច្ចនាយកដ្ឋាន នគរបាលព្រហ្មទណ្ឌក្រសួងមហាផ្ទៃ សហការជាមួយកម្លាំងសមត្ថកិច្ចមូលដ្ឋានខណ្ឌទួលគោក បានឡោមព័ទ្ធនិងឃាត់ខ្លួន ជនជាតិចិនប្រុសស្រីជាង ១០នាក់ ព័ន្ធករណីចាប់ជំរិត។
ក្រោយប្រតិបត្តិការកម្លាំងសមត្ថកិច្ចបាននាំខ្លួនជនជាតិចិនទាំងជាង១០នាក់ទៅកាន់នាយកដ្ឋាននគរបាលព្រហ្មទណ្ឌក្រសួងមហាផ្ទៃ ដើម្បីបន្តនីតិវិធី៕ អត្ថបទ៖ កុម្ភះ
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
