ក្រសួងការបរទេសអាមេរិក បានឲ្យដឹងកាលពីថ្ងៃអាទិត្យថា សហរដ្ឋអាមេរិក បានបញ្ជាឲ្យបុគ្គលិកទាំងអស់ដែលមិនមែននៅផ្នែកសង្គ្រោះបន្ទាន់ នៅក្នុងប្រទេសស៊ូដង់ខាងត្បូង ឲ្យចាកចេញ ដោយសារតែការកើនឡើងភាពតានតឹង បានបង្កឲ្យមានការព្រួយបារម្ភជាអន្តរជាតិ។

កិច្ចព្រមព្រៀងចែករំលែកអំណាចដ៏ផុយស្រួយរវាងលោកប្រធានាធិបតី Salva Kiir និងអនុប្រធានាធិបតីទី១ លោកRiek Machar ត្រូវបានគំរាមកំហែងដោយការប៉ះទង្គិចនាពេលថ្មីៗនេះ រវាងកងកម្លាំងសម្ព័ន្ធមិត្តរបស់ពួកគេ នៅក្នុងរដ្ឋ Upper Nile ភាគឦសាន។

កាលពីថ្ងៃសុក្រ ឧទ្ធម្ភាគចក្ររបស់អង្គការសហប្រជាជាតិ បានរងការវាយប្រហារ អំឡុងពេលបេសកកម្មជួយសង្គ្រោះ ដែលបានសម្លាប់សមាជិកយានិកម្នាក់។ អង្គការសហប្រជាជាតិ បាននិយាយថា ឧត្តមសេនីយ៍កងទ័ពម្នាក់ ក៏បានស្លាប់ ក្នុងអំឡុងប្រតិបត្តិការនោះដែរ។

ក្រសួងការបរទេស បានបញ្ជាក់កាលពីថ្ងៃអាទិត្យថា៖«ដោយសារតែហានិភ័យ នៅក្នុងប្រទេសនេះ កាលពីថ្ងៃទី ០៨ ខែមីនា ឆ្នាំ ២០២៥ ខ្លួនបានបញ្ជាឲ្យចាកចេញពីបុគ្គលិករដ្ឋាភិបាលសហរដ្ឋអាមេរិក ដែលមិនមែននៅផ្នែកសង្គ្រោះបន្ទាន់ ចាកចេញពីប្រទេសស៊ូដង់ខាងត្បូង» ។

ក្រសួងបានបន្ថែមថា៖«ជម្លោះប្រដាប់អាវុធកំពុងបន្ត ហើយរួមបញ្ចូលទាំងការប្រយុទ្ធគ្នា រវាងក្រុមនយោបាយ និងជនជាតិភាគតិចផ្សេងៗ។ អាវុធមានស្រាប់សម្រាប់ប្រជាជនប្រើប្រាស់»។