លោកប្រធានាធិបតី ដូណាល់ ត្រាំ បានព្រមានកាលពីថ្ងៃចន្ទថា ការចាប់ខ្លួន និងការនិរទេស ដែលអាចកើតមានសម្រាប់សកម្មជនប៉ាឡេស្ទីន ដែលបានជួយដឹកនាំការតវ៉ា នៅសកលវិទ្យាល័យ Columbia នឹងក្លាយជា «អ្នកដំបូងគេក្នុងចំណោមមនុស្សជាច្រើន» នៅពេលដែលរដ្ឋបាលរបស់លោក បង្ក្រាបបាតុកម្មនៅបរិវេណសាកលវិទ្យាល័យប្រឆាំងនឹងអ៊ីស្រាអែល និងសង្រ្គាមនៅតំបន់ហ្កាហ្សា។

លោក Mahmoud Khalil ជាអ្នករស់នៅសហរដ្ឋអាមេរិកស្របច្បាប់ ដែលជានិស្សិតបញ្ចប់ការសិក្សា នៅ សាកលវិទ្យាល័យ Columbia រហូតដល់ខែធ្នូ ត្រូវបានឃាត់ខ្លួនកាលពីថ្ងៃសៅរ៍ ដោយភ្នាក់ងារអន្តោប្រវេសន៍សហព័ន្ធ នៅទីក្រុងញូវយ៉ក ហើយបានត្រូវដឹកតាមយន្តហោះ ទៅកាន់ពន្ធនាគារអន្តោប្រវេសន៍ ក្នុងរដ្ឋ Louisiana ។

លោក ត្រាំ បានសរសេរនៅក្នុងសារបង្ហោះប្រព័ន្ធផ្សព្វផ្សាយសង្គមថា៖«យើងដឹងថាមាននិស្សិតកាន់តែច្រើន នៅសាកលវិទ្យាល័យ Columbia និងសាកលវិទ្យាល័យផ្សេងទៀត នៅទូទាំងប្រទេស ដែលបានចូលរួម ក្នុងសកម្មភាពគាំទ្រភេរវករ ប្រឆាំងជនជាតិជ្វីហ្វ និងប្រឆាំងជនជាតិអាមេរិក»។ «យើងនឹងស្វែងរកចាប់ខ្លួន និងនិរទេសអ្នកគាំទ្រភេរវករទាំងនេះ ចេញពីប្រទេសរបស់យើង — នឹងមិនឲ្យវិលត្រឡប់មកវិញទៀតទេ»។

ប៉ុន្តែចៅក្រមសហព័ន្ធម្នាក់ នៅទីក្រុងញូវយ៉ក បានបញ្ជាកាលពីថ្ងៃចន្ទថា លោក Khalil មិនត្រូវបាននិរទេសទេ ខណៈពេលដែលតុលាការ បានចាត់ទុកថា ជាការតតាំងតាមផ្លូវច្បាប់ ដែលធ្វើឡើងដោយមេធាវីរបស់ខ្លួន។ សវនាការ ត្រូវបានគ្រោងធ្វើនៅថ្ងៃពុធ។