ប្រធានាធិបតីម៉ិកស៊ិក លោកស្រី ក្លៅឌៀ សេនបោម(Claudia Sheinbaum) បាននិយាយ កាលពីថ្ងៃអង្គារថា លោកស្រីនឹងផ្ញើកំណត់ហេតុផ្នែកទូតមួយច្បាប់ទៅកាន់សហរដ្ឋអាមេរិក បន្ទាប់ពីបេសកជនសហរដ្ឋអាមេរិក បានរិះគន់លោកស្រី នៅក្នុងសន្និសីទរបស់អង្គការសហប្រជាជាតិ សម្រាប់ការប្រមូលផ្តុំផ្នែកនយោបាយ កាលពីថ្ងៃអាទិត្យ នៅក្នុងរដ្ឋធានី របស់ប្រទេសម៉ិកស៊ិក។

ការប្រមូលផ្តុំគ្នានេះ គឺមានគោលបំណងបង្ហាញដល់សាធារណជនអំពីការចរចាចុងក្រោយរវាងសហរដ្ឋអាមេរិក និងម៉ិកស៊ិក ដែលនាំឱ្យទីក្រុងវ៉ាស៊ីនតោន ព្រមព្រៀងផ្អាកការដំឡើងពន្ធពាណិជ្ជកម្មមួយចំនួនលើទំនិញរបស់ប្រទេសម៉ិកស៊ិក។

លោក Cartwright Weiland បេសកជនសហរដ្ឋអាមេរិកប្រចាំនៅគណៈកម្មាធិការអង្គការសហប្រជាជាតិទទួលបន្ទុកគ្រឿងញៀន បាននិយាយថា វាឆាប់ពេកក្នុងការរៀបចំពិធីនេះ នៅពេលដែលស្ត្រី និងកុមារ ត្រូវបានបាញ់សម្លាប់នៅតាមកន្លែងជាច្រើន ក្នុងប្រទេសម៉ិកស៊ិក។

លោកស្រីប្រធានាធិបតី បាននិយាយក្នុងសន្និសីទសារព័ត៌មានប្រចាំថ្ងៃរបស់លោកស្រីថា «ការពិត គឺគ្មានហេតុផលទាល់តែសោះ ដែលនៅក្នុងព្រឹត្តិការណ៍អង្គការសហប្រជាជាតិ លោកបានលើកយោបល់របស់លោកចំពោះព្រឹត្តិការណ៍នៅក្នុងប្រទេសម៉ិកស៊ិក»។

ប្រធានាធិបតីអាមេរិក លោក ដូណាល់ ត្រាំ បាននិយាយថា ការដំឡើងពន្ធពាណិជ្ជកម្ម ត្រូវបានរៀបចំឡើង ដើម្បីដាក់សម្ពាធលើប្រទេសម៉ិកស៊ិកឱ្យធ្វើសកម្មភាពបន្ថែមទៀត ដើម្បីទប់ស្កាត់ជនអន្តោប្រវេសន៍ និងការជួញដូរគ្រឿងញៀន នៅតាមព្រំដែនអាមេរិក-ម៉ិកស៊ិក។