អាមេរិក៖ រដ្ឋបាលរបស់លោកប្រធានាធិបតីអាមេរិក Joe Biden បានដាក់បន្ថែមក្រុមហ៊ុនរបស់ចិនរាប់សិបក្រុមហ៊ុនចូលទៅក្នុងបញ្ជីខ្មៅ ឬបញ្ជីហាមប្រាមពាណិជ្ជកម្មរបស់ខ្លួនកាលពីថ្ងៃពុធ ដោយសារក្ដីបារម្ភពីសន្តិសុខជាតិព្រមទាំងគោលនយោបាយបរទេស។
អង្គភាពអាជីវកម្មផ្នែកបច្ចេកវិទ្យាចំនួន ៨ ដែលមានមូលដ្ឋាននៅក្នុងប្រទេសចិន ត្រូវបានបញ្ចូលទៅក្នុងបញ្ជីសម្រាប់តួនាទីដែលត្រូវបានចោទប្រកាន់ថា កំពុងបង្កើតកិច្ចខិតខំប្រឹងប្រែងអភិវឌ្ឍន៍បច្ចេកវិទ្យាកុំព្យូទ័រ និងលទ្ធកម្មរបស់យោធាចិន និងការទទួលបាន ឬការប៉ុនប៉ង ដើម្បីទទួលបានវត្ថុធាតុដើមរបស់សហរដ្ឋអាមេរិកក្នុងការគាំទ្រកម្មវិធីយោធា។ ក្រុមមន្ត្រីសហរដ្ឋអាមេរិកបានត្អូញត្អែរជាយូរមកហើយថា ក្រុមហ៊ុនមួយចំនួនរបស់ចិនកំពុងជួយដល់សាធារណរដ្ឋប្រជាមានិតចិន និងប្រមូលព័ត៌មានជំនួសទាហានរំដោះប្រជាជនចិន។
កន្លងមកគណបក្សកុំម្មុយនីសចិនធ្លាប់បាននិយាយថា ខ្លួនពុំមានជាប់ពាក់ព័ន្ធក្នុងឧស្សាហកម្មចារកម្មឡើយ។ ក្រសួងពាណិជ្ជកម្មក៏បានចុះបញ្ជីក្រុមហ៊ុន និងបុគ្គលចំនួន ១៦ ដែលកំពុងប្រតិបត្តិការនៅក្នុងប្រទេសចិន និងប៉ាគីស្ថានសម្រាប់ការងាររបស់ពួកគេលើកម្មវិធីនុយក្លេអ៊ែរ និងមីស៊ីលអន្តរទ្វីបបាលីស្ទីករបស់ទីក្រុងអ៊ីស្លាម៉ាបាដ។ ជារួមរដ្ឋបាលលោក Biden បានបន្ថែមក្រុមហ៊ុន និងបុគ្គលចំនួន ២៧ ដែលមានទីតាំងនៅសាធារណៈរដ្ឋប្រជាមានិតចិន ប៉ាគីស្ថាន រុស្ស៊ី ជប៉ុន និងសិង្ហបុរី៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
