សារព័ត៌មាន TASS បានប៉ានប្រមាណ ដោយផ្អែកលើរបាយការណ៍ពីការិយាល័យទូទៅរបស់រដ្ឋអាជ្ញា និងគណៈកម្មាធិការស៊ើបអង្កេតថា តុលាការរុស្ស៊ី បានចោទប្រកាន់ពីបទឧក្រិដ្ឋប្រឆាំងនឹងទាហានស៊ីឈ្នួលបរទេសយ៉ាងហោចណាស់ ៩នាក់ ជុំវិញការចូលរួមក្នុងការវាយលុករបស់អ៊ុយក្រែន ចូលទៅក្នុងតំបន់   ព្រំដែន Kursk និងឧក្រិដ្ឋកម្មប្រឆាំងនឹងជនស៊ីវិល។ 

ដូច្នេះ ជនបរទេស ត្រូវបានគេរកឃើញថា មានទោសក្នុងការវាយប្រហារភេរវកម្ម និងសកម្មភាពស៊ីឈ្នួល ដោយទទួលបានការកាត់ទោសឲ្យជាប់ពន្ធនាគារពី ១៤ ទៅ ២៥ ឆ្នាំ។ ៨នាក់ក្នុងចំណោមពួកគេ ត្រូវបានកាត់ទោសកំបាំងមុខ និងប្រកាសថា ពួកគេ កំពុងត្រូវបានតាមចាប់ខ្លួន។ លោក James Scott Rhys Anderson ជាជនជាតិអង់គ្លេសទី ៩ ដែលត្រូវបានចាប់ខ្លួន នៅក្នុងតំបន់ Kursk ត្រូវបានសម្រេចឲ្យជាប់ពន្ធនាគារ ៩ឆ្នាំ បន្ទាប់ពីតុលាការបានកាត់ទោស។

ជនជាតិហ្ស៊កហ្ស៊ីចំនួន ៤នាក់ ពលរដ្ឋអាមេរិក ពីរនាក់ ជនជាតិលីទុយអានីម្នាក់ ជនជាតិអង់គ្លេសម្នាក់ និងជនជាតិនូវែលសេឡង់ម្នាក់ ស្ថិតក្នុងចំណោមទាហានស៊ីឈ្នួលបរទេស ដែលត្រូវបានកាត់ទោស។ ការកាត់ទោសមនុស្សចំនួន ៨នាក់ ត្រូវបានប្រកាស កាលពីដើមខែនេះ ខណៈដែលលោក Jordan O'Brien ជនជាតិនូវែលសេឡង់ ត្រូវបានកាត់ទោសកំបាំងមុខ កាលពីខែធ្នូ។