ព្រឹទ្ធសមាជិករបស់ប្រទេសហ្វីលីពីន លោកស្រី Imee Marcos ដែលជាបងស្រីរបស់ប្រធានាធិបតី លោក ហ្វឺឌីណាន រ៉ូមូអាលដេស ម៉ាកូស(Ferdinand Romualdez Marcos) នៅថ្ងៃច័ន្ទនេះ បានអំពាវនាវឱ្យមានការស៊ើបអង្កេតបន្ទាន់ ជុំវិញការចាប់ខ្លួនអតីតប្រធានាធិបតី លោក Rodrigo Duterte ដោយនិយាយថា បញ្ហានេះបានធ្វើឲ្យមានការខ្វែងគំនិតគ្នាក្នុងប្រទេសនៅអាស៊ីអាគ្នេយ៍មួយនេះយ៉ាងខ្លាំង។

លោកស្រី Imee Marcos ប្រធានគណៈកម្មាធិការទំនាក់ទំនងការបរទេសព្រឹទ្ធសភា បាននិយាយថា «វាជាការចាំបាច់ក្នុងការបង្កើត ថាតើដំណើរការត្រឹមត្រូវ ត្រូវបានអនុវត្ត និងដើម្បីធានាបានថា សិទ្ធិស្របច្បាប់របស់អតីតប្រធានាធិបតីរូបនេះ ពុំត្រូវបានគាំទ្រទេ ប៉ុន្តែត្រូវបានការពារ ជាពិសេសការជាប់ពាក់ព័ន្ធទៅនឹងអង្គការនគរបាលព្រហ្មទណ្ឌអន្តរជាតិ (Interpol) និងតុលាការព្រហ្មទណ្ឌអន្តរជាតិ (ICC)។

លោកស្រី បានសង្កត់ធ្ងន់លើតម្រូវការសម្រាប់ព្រឹទ្ធសភាដើម្បីដោះស្រាយ «ការព្រួយបាម្ភធំៗ ដើម្បីរក្សាអំណាចស្របច្បាប់របស់ប្រទេស និងដើម្បីបញ្ជាក់ច្បាស់លាស់ពីគោលនយោបាយនានាដែលកំពុងគ្រប់គ្រងទីភ្នាក់ងារអនុវត្តច្បាប់របស់យើង និងការចូលរួមរបស់ពួកគេជាមួយតុលាការអន្តរជាតិ»។

លោកស្រី បាននិយាយបន្ថែមថា «អធិបតេយ្យភាព និងដំណើរការផ្លូវច្បាប់របស់យើងត្រូវតែ នៅតែសំខាន់»។ ដើម្បីបំភ្លឺលើបញ្ហានេះ លោកស្រី Marcos បាននិយាយថា លោកស្រីនឹងអញ្ជើញមន្ត្រី និងទីភ្នាក់ងារសំខាន់ៗ រួមមានទាំងមន្ត្រីមកពីនគរបាលជាតិ ក្រសួងយុត្តិធម៌ និងក្រសួងការបរទេស ក្នុងចំណោមអ្នកផ្សេងទៀត មកធ្វើជាធនធាន និងសាក្សី។