ក្រុមបាតុករបានប្រមូលផ្តុំគ្នាតាមដងផ្លូវនានាក្នុងទីក្រុងសេអ៊ូល ប្រទេសកូរ៉េខាងត្បូងកាលពីចុងសប្ដាហ៍នេះ ទាំងជាអ្នកគាំទ្រ ទាំងអ្នកប្រឆាំងការចោទប្រកាន់លោកប្រធានាធិបតី Yoon Suk-yeol ខណៈតុលាការធម្មនុញ្ញរៀបចំដើម្បីសម្រេចថាតើត្រូវរក្សា ឬលុបចោលការចោទប្រកាន់របស់លោក Yoon ជុំវិញការដាក់ច្បាប់អាជ្ញាសឹករបស់លោកកាលពីចុងឆ្នាំ២០២៤។

នគរបាលកូរ៉េខាងត្បូងនឹងចេញបទបញ្ជាបន្ទាន់កម្រិតខ្ពស់បំផុតដើម្បីដាក់ពង្រាយកងកម្លាំងនគរបាលបង្ក្រាបកុបកម្មប្រហែល២ម៉ឺននាក់មកពីអង្គភាពចំនួន៣៣៨នៅទូទាំងប្រទេសសម្រាប់ការតវ៉ាបន្ថែមដែលរំពឹងទុក និងការគ្រប់គ្រងហ្វូងមនុស្សពេលតុលាការឈានដល់ការសម្រេចមួយ។

ក្នុងចំណោមកងកម្លាំងសរុប នគរបាលកុបកម្មប្រហែល១៤.០០០នាក់ នឹងត្រូវដាក់ពង្រាយនៅទីក្រុងសេអ៊ូល ក្នុងទីតាំងតុលាការធម្មនុញ្ញ។ ទោះបីជាកាលបរិច្ឆេទនៃសេចក្តីសម្រេចមិនទាន់ត្រូវបានកំណត់សម្រាប់សំណុំរឿងរបស់លោក Yoon ក៏ដោយ ក៏តុលាការពង្រឹងការយាមកាមយ៉ាងតឹងរ៉ឹងបំផុតរួចទៅហើយ។    

ទាំងក្រុមបាតុករគាំទ្រ ទាំងក្រុមប្រឆាំងលោកYoon បានប្រមូលផ្តុំគ្នាតាមដងផ្លូវសំខាន់ៗកណ្តាលទីក្រុងសេអ៊ូលជាបន្តបន្ទាប់រហូតដល់បច្ចុប្បន្ន ដោយគ្រវីបដានយោបាយ និងទង់ជាតិកូរ៉េខាងត្បូង។

អ្នកគាំទ្រលោក Yoon ម្នាក់ឈ្មោះ Sok-hee បានសម្តែងការមិនជឿជាក់ចំពោះគំនិតដែលថាការចោទប្រកាន់នេះ នឹងត្រូវបានលើក។អ្នកស្រីបាននិយាយថា ប្រសិនបើប្រធានាធិបតីរបស់យើងត្រូវបានចោទប្រកាន់ យើងនឹងមានកំហឹងខ្លាំងបំផុត ។

គួររម្លឹកថាលោក Yoon ត្រូវបានចាប់ខ្លួននៅក្នុងការិយាល័យប្រធានាធិបតីកាលពីថ្ងៃទី ១៥ ខែមករា ហើយត្រូវបានចោទប្រកាន់ក្រោមការឃុំខ្លួននៅថ្ងៃទី ២៦ ខែមករា ក្នុងនាមជាអ្នកជាប់សង្ស័យថាជាមេក្រុមបះបោរ ដែលបានក្លាយជាប្រធានាធិបតីក្នុងតំណែងដំបូងរបស់ប្រទេសនេះ ត្រូវបានចាប់ខ្លួន និងកាត់ទោស។ លោកត្រូវបានដោះលែងនៅថ្ងៃទី ៨ ខែមីនា ខណៈតុលាការបានសម្រេចមិនប្តឹងឧទ្ធរណ៍ប្រឆាំងការអនុម័តដោះលែងរបស់តុលាការ៕