កងកម្លាំងប្រដាប់អាវុធយេម៉ែន (YAF) នៅព្រឹកថ្ងៃពុធ (ទី២៦ ខែមីនា) នេះ បានចេញសេចក្តីថ្លែងការណ៍មួយនេះ ដោយបង្ហាញថា ខ្លួនបានជាប់ពាក់ព័ន្ធនឹងក្នុងការប្រយុទ្ធគ្នាជាបន្តជាមួយនាវា USS Harry Truman ដែលជានាវាផ្ទុកយន្តហោះរបស់សហរដ្ឋអាមេរិក នៅសមុទ្រក្រហម។

យោងតាមសេចក្តីថ្លែងការណ៍នោះ បានឲ្យដឹងថា ការវាយប្រហារនេះ គឺជាការសងសឹក ចំពោះការវាយប្រហារកំពុងបន្តមាន ដែលត្រូវបានធ្វើឡើងដោយសហរដ្ឋអាមេរិក ក្នុងរយៈពេលប៉ុន្មានសប្តាហ៍ចុងក្រោយនេះ។

សេចក្តីថ្លែងការណ៍ បានរៀបរាប់ដោយផ្នែកៗថា៖ «មីស៊ីល យានដ្រូន និងកងកម្លាំងទ័ពជើងទឹក បានធ្វើប្រតិបត្តិការយោធារួមគ្នា ក្នុងរយៈពេលប៉ុន្មានម៉ោងចុងក្រោយនេះ សំដៅលើនាវាចម្បាំងសត្រូវ នៅសមុទ្រក្រហមដឹកនាំដោយនាវាផ្ទុកយន្តហោះអាមេរិក Truman ដែលសកម្មភាពឈ្លានពានលើប្រទេសរបស់យើង ត្រូវបានចាប់ផ្តើមឡើង»។

បើយោងតាមសេចក្តីថ្លែងការណ៍ បានបន្ថែមថា ជាមួយគ្នានេះ កងកម្លាំង YAF ក៏បានបញ្ជាក់ដែរថា ពួកគេបានកំណត់គោលដៅយោធាអ៊ីស្រាអែល នៅតំបន់កាន់កាប់ Yafa ដោយប្រើយានដ្រូនជាច្រើនគ្រឿង។ យ៉ាងណាក្ដី នាពេលនេះ មិនទាន់មានមន្ត្រីអាមេរិក ឬអ៊ីស្រាអែល បញ្ជាក់ពីប្រតិបត្តិការយោធាដែលត្រូវបានអះអាងដោយកងកម្លាំង YAF នេះទេ៕