ពពួកត្រីឆ្លាមជិតផុតពូជដ៏កម្រ ត្រូវបានប្រទះឃើញនៅដែនទឹកតំបន់ឆ្នេរ Ipanemaស្ថិតក្នុងទីក្រុង Rio de Janeiro ប្រទេសប្រេស៊ូល ធ្វើឲ្យបង្កើនក្តីសង្ឃឹមរបស់ក្រុមអ្នកជំនាញសម្រាប់ការអភិរក្សជីវចម្រុះសមុទ្រនៅប្រទេសអាមេរិកឡាទីនមួយនេះ ។

យោងតាមសេចក្តីថ្លែងការណ៍ពីវិទ្យាស្ថានទីក្រុងសមុទ្រ បានឲ្យដឹងថា អ្នកមុជទឹកជើងចាស់ម្នាក់ បានប្រទះឃើញត្រីឆ្លាមព្រុយខ្លីម៉ាកូ ស្ថិតនៅចម្លោះកោះ Ipanema និងកោះ Cagarras ដែលជាការប្រទះភ្នែកឃើញត្រីឆ្លាមដ៏កម្រនេះនៅរស់ នៅប្រទេសប្រេស៊ីល ។ កាលពីឆ្នាំ ២០១៨កន្លងទៅ បញ្ជី IUCN Red បានចាត់ថ្នាក់ពពួកត្រីនេះថា ជាត្រីជិតផុតពូជ ។

យោងតាមទិន្នន័យពីសារមន្ទីរ Florida បានឲ្យដឹងថា ត្រីឆ្លាមព្រុយខ្លីម៉ាកូ ត្រូវបានគេចាត់ទុកថាជាត្រីឆ្លាមហែលលឿនជាងគេបំផុតនៅលើពិភពលោក ដោយវាអាចហែលទឹកបានក្នុងល្បឿនរហូតដល់ ៧០គ.មក្នុង ១ម៉ោង ។

សារមន្ទីរនេះបានរាយការណ៍ថា ត្រីឆ្លាមម៉ាកូ ត្រូវបានគេស្វែងរកច្រើនសម្រាប់ការប្រើប្រាស់របស់មុស្ស ហើយវាមាននៅក្នុងរឿងប្រលោម “The Old Man and the Sea” របស់កវីនិពន្ធ Ernest Hemingway ផងដែរ ៕