អនុប្រធានាធិបតីសហរដ្ឋអាមេរិក លោក JD Vance បានរិះគន់ប្រទេសដាណឺម៉ាក ក្នុងអំឡុងដំណើរទស្សនកិច្ចទៅកាន់ដែនដី Greenland កាលពីថ្ងៃសុក្រ ដោយនិយាយថា ប្រទេសនេះពុំបានរក្សាដែនដីដាណឺម៉ាកពាក់កណ្តាលស្វយ័តមួយនេះ និងប្រជាជនរបស់ខ្លួន ឱ្យមានសុវត្ថិភាពពីការលុកលុយពីសំណាក់ប្រទេសចិន និងរុស្ស៊ីឡើយ។

លោក VANCE និយាយថា ប្រទេសដាណឺម៉ាក ពុំបានរក្សាចំណាត់ការនិងលះបង់ធនធានចាំបាច់ដើម្បីរក្សាមូលដ្ឋាននេះ និងរក្សាកងទ័ពរបស់យើងនោះទេ ហើយតាមគំនិតរបស់លោក គឺត្រូវការពារប្រជាជនដែនដី Greenland ឱ្យមានសុវត្ថិភាពពីការលុកលុយខ្លាំងក្លាជាច្រើនពីរុស្ស៊ី ពីប្រទេសចិន និងប្រទេសដទៃទៀត។

លោក Vance ពុំបានផ្តល់ព័ត៌មានលម្អិតអំពីការលុកលុយដែលត្រូវបានចោទប្រកាន់នោះទេ ហើយបាននិយាយថា ពុំមានផែនការភ្លាមៗដើម្បីពង្រីកវត្តមានយោធារបស់សហរដ្ឋអាមេរិកនៅលើដែនដី Greenland នៅឡើយ។

ខណៈដំណើរទស្សនកិច្ចរបស់លោក Vance កំពុងធ្វើឡើង លោកប្រធានាធិបតី Donald Trump បានប្រាប់អ្នកសារព័ត៌មាននៅសេតវិមានថា សហរដ្ឋអាមេរិកត្រូវការដែនដី Greenland ដើម្បីធានាបាន «សន្តិភាពនៃពិភពលោកទាំងមូល»។