រដ្ឋាភិបាលប្រេស៊ីល កាលពីថ្ងៃអង្គារបានស្វាគមន៍ការជំរុញរបស់ព្រឹទ្ធសភាសម្រាប់ «សេចក្តីស្នើច្បាប់បដិការ» ដែលនឹងអនុញ្ញាតឱ្យមានវិធានការដំឡើងពន្ធប្រឆាំងសហរដ្ឋអាមេរិក ប៉ុន្តែបានសង្កត់ធ្ងន់ថា ច្រកចេញដែលគាំទ្រច្រើនជាង គឺនៅតែជាការសន្ទនានិងកិច្ចសហប្រតិបត្តិការសេដ្ឋកិច្ច។

ថ្លែងទៅកាន់អ្នកសារព័ត៌មាន អនុប្រធានាធិបតីប្រេស៊ីល លោក Geraldo Alckmin ដែលមានតួនាទីជារដ្ឋមន្ត្រីក្រសួងអភិវឌ្ឍន៍ ឧស្សាហកម្ម ពាណិជ្ជកម្ម និងសេវាកម្មរបស់ប្រទេស បានសាទរចំពោះកិច្ចខិតខំប្រឹងប្រែងរបស់ព្រឹទ្ធសភា ក្នុងការផ្តល់នូវក្របខ័ណ្ឌច្បាប់សម្រាប់ការពារពាណិជ្ជកម្ម។ លោកនិយាយថា «ប្រទេសប្រេស៊ីល ចង់ពង្រីកពាណិជ្ជកម្មរបស់ខ្លួន តាមរយៈបដិការ មានមូលដ្ឋានលើការប្រកួតប្រជែង។

ប៉ុន្តែលោកបានសង្កត់ធ្ងន់ថា ច្រកឆ្ពោះទៅមុខគឺការសន្ទនា និងការបំពេញបន្ថែមផ្នែកសេដ្ឋកិច្ច។ យើងថែមទាំងអាចពង្រីកទៅកាន់ដៃគូថ្មីៗ។

គណៈកម្មាធិការកិច្ចការសេដ្ឋកិច្ចរបស់ព្រឹទ្ធសភា បានអនុម័តសេចក្តីស្នើច្បាប់នេះកាលពីថ្ងៃអង្គារ ដោយមានសំឡេងគាំទ្រ១៦សំឡេង និងគ្មានសំឡេងប្រឆាំងណាមួយឡើយ។ ច្បាប់នេះ នឹងអនុញ្ញាតឱ្យប្រេស៊ីល អនុវត្តការដំឡើងពន្ធបដិការ និងស្តង់ដារបរិស្ថាន ក្នុងការឆ្លើយតបទៅនឹងការរឹតបន្តឹងពាណិជ្ជកម្មបរទេស។