នៅថ្ងៃព្រហស្បតិ៍នេះ ប្រទេសឥណ្ឌូនេស៊ី បានបញ្ជូនជំនួយភស្តុភារទម្ងន់ ១២៤តោន បន្ទាប់ពីការរញ្ជួយដីសម្លាប់មនុស្ស វាយប្រហារប្រទេសមួយនេះ កាលពីសប្តាហ៍មុន ។

ជំនួយទាំងនេះ រួមមានសំពត់តង់ គ្រឿងវេជ្ជសាស្រ្ត និងស្បៀងអាហារ ក៏ដូចជាបុគ្គលិករុករក និងជួយសង្រ្គោះ ។

ក្រុមមន្រ្តីរុករក និងជួយសង្រ្គោះ ៦១នាក់ ត្រូវបានបញ្ជូនទៅកាន់សហភាពមីយ៉ាន់ម៉ាកាលពីថ្ងៃចន្ទ ដើមសប្តាហ៍នេះ ។

ចំនួនមនុស្សស្លាប់ដោយសារការរញ្ជួយដីកាលពីថ្ងៃសុក្រ បានកើនឡើងដល់ជាង ៣ពាន់នាក់ ក្នុងនោះមនុស្សរាប់រយនាក់ផ្សេងទៀត កំពុងបាត់ខ្លួន ស្របពេលដែលការព្យាករណ៍ពីមេឃភ្លៀងកក់ខែ នឹងក្លាយជាការលំបាកថ្មីសម្រាប់ក្រុមជួយសង្រ្គោះ និងក្រុមផ្តល់ជំនួយ ដែលព្យាយាមទៅដល់មនុស្សនៅក្នុងប្រទេសដែលបានញាំញីរួចទៅហើយដោយសារសង្រ្គាមស៊ីវិល ។

លោក Sugiono គឺជារដ្ឋមន្រ្តីការបរទេសឥណ្ឌូនេស៊ី និយាយថា ចាប់តាំងពីថ្ងៃទី ៣១ ខែមេសារហូតមក ពួកយើងបានបញ្ជូនក្រុមជំនាញ រួមទាំងក្រុមមន្រ្តីទីភ្នាក់ងារកាត់បន្ថយគ្រោះមហន្តរាយ និងក្រុមមន្រ្តីទីភ្នាក់ងាររុករក និងជួយសង្រ្គោះជាតិឥណ្ឌូនេស៊ី(SAR) ដើម្បីចាត់វិធានការសង្រ្គោះបន្ទាន់ ។

លោកបន្តថា នៅថ្ងៃនេះ ពួកយើងបានបញ្ជូនជំនួយផ្លូវការពីរដ្ឋាភិបាលឥណ្ឌូនេស៊ីផងដែរ ៕