ប្រទេសអ៊ីតាលី គ្រោងនឹងចំណាយថវិកា ២០លានអឺរ៉ូ (២២ លានដុល្លារ) នៅក្នុងគម្រោងថ្មីមួយ ដើម្បីជួយប្រទេសអាល់ហ្សេរី លីប៊ី និងទុយនីស៊ី បញ្ជូនជនអន្តោប្រវេសន៍មិនទៀងទាត់ ពីទឹកដីរបស់ពួកគេ ត្រឡប់ទៅប្រទេសដើមរបស់ជនអន្តោប្រវេសន៍ទាំងនោះ។

រដ្ឋាភិបាលរបស់លោកស្រីនាយករដ្ឋមន្ត្រី Giorgia Meloni បានប្តេជ្ញាកាត់បន្ថយការធ្វើទេសន្តរប្រវេសន៍ មិនទៀងទាត់ មកកាន់ឆ្នេរសមុទ្រនៃប្រទេសអ៊ីតាលី ពីអាហ្វ្រិកខាងជើង ដែលភាគច្រើនចេញពីប្រទេសលីប៊ី និងទុយនេស៊ី។

ទោះយ៉ាងណាក៏ដោយ ជនអន្តោប្រវេសន៍ជាច្រើន ដែលចាកចេញពីប្រទេសផ្សេងទៀត ជាពិសេសបណ្តាប្រទេសអនុតំបន់សាហារ៉ាអាហ្រ្វិក។

ក្រសួងការបរទេសអ៊ីតាលី បាននិយាយនៅក្នុងសេចក្តីថ្លែងការណ៍មួយថា ផែនការថ្មីរបស់ប្រទេសនេះ«ផ្តោតលើការពង្រឹងស្ថាប័ន និងសមត្ថភាពគ្រប់គ្រងរដ្ឋបាលនៃប្រទេសជាដៃគូ» ដោយមានការចូលរួមពីមន្ត្រីចំនួន ៤០០នាក់។

ក្រសួងបានអះអាងថា ការធ្វើទេសន្តរប្រវេសន៍មិនទៀងទាត់ នឹងត្រូវបានដោះស្រាយបានប្រសើរជាងមុន «តាមរយៈការកែលម្អ និងការជួយដល់ការធ្វើមាតុភូមិនិវត្តន៍ជនអន្តោប្រវេសន៍ដោយស្ម័គ្រចិត្ត ពីប្រទេសអាល់ហ្សេរី លីប៊ី និងទុយនេស៊ី ទៅកាន់ប្រទេសដើមរបស់ពួកគេវិញ»។