មនុស្សជាច្រើនបានចូលរួមក្នុងការតវ៉ាប្រឆាំងនឹងលោកប្រធានាធិបតី Donald Trump និងលោក Elon Musk នៅទូទាំងរដ្ឋទាំង ៥០របស់សហរដ្ឋអាមេរិក និងទូទាំងពិភពលោកកាលពីចុងសប្ដាហ៍ នេះ ដែលរៀបចំដោយចលនាគាំទ្រលទ្ធិប្រជាធិបតេយ្យដើម្បីឆ្លើយតបទៅនឹងអ្វីដែលពួកគេហៅថា "ការកាន់កាប់ដោយអរិភាព" និងវាយប្រហារលើសិទ្ធិនិងសេរីភាពរបស់អាមេរិក។

ក្រុមអ្នករៀបចំការតវ៉ា បាននិយាយថា មនុស្សរាប់ពាន់នាក់ ដោយកាន់ស្លាកសញ្ញាថា ដោះលែងទៅ “Hands Off!” គឺជាការតវ៉ាទ្រង់ទ្រាយធំដែលត្រូវបានធ្វើឡើងនៅរដ្ឋធានីនានា អគារសហព័ន្ធ ការិយាល័យសភា ទីស្នាក់ការសន្តិសុខសង្គម សួនច្បារ សាលាក្រុង និងគ្រប់ទីកន្លែងទូទាំងរដ្ឋទាំង៥០ របស់អាមេរិក ។ពួកគេទាមទារឲ្យបញ្ចប់ការកាន់អំណាចរបស់មហាសេដ្ឋីរូបនេះ ។

មនុស្សជិត៦០០.០០០នាក់ បានចុះឈ្មោះដើម្បីចូលរួមព្រឹត្តិការណ៍ទាំងនោះ ដែលមួយចំនួនបានកើតឡើងនៅក្នុងទីក្រុងធំៗដូចជាទីក្រុងឡុងដ៍ ប៉ារីស អាល្លឺម៉ង់ និងកាណាដា ជាដើម ដើម្បីប្រឆាំងលោក Trumpនិង លោក Elon Musk ក្រោយមួយសប្ដាហ៍នៃភាពរង្គោះរង្គើនៃផ្សារហិរញ្ញវត្ថុ បន្ទាប់ពីលោក Trump ប្រកាសការដំឡើងពន្ធជាលកល។

ក្រុមអ្នករៀបចំនិយាយថា ពួកគេមានការទាមទារចំនួនបី គឺ "ការបញ្ចប់ការកាន់កាប់អំណាចរបស់មហាសេដ្ឋី Elon Musk និងអំពើពុករលួយដ៏ច្រើនសន្ធឹកសន្ធាប់របស់រដ្ឋបាលលោក Trump ការបញ្ចប់ការកាត់បន្ថយមូលនិធិសហព័ន្ធសម្រាប់ជំនួយផ្នែកវេជ្ជសាស្ត្រ សន្តិសុខសង្គម និងកម្មវិធីផ្សេងទៀតដែលមនុស្សពឹងផ្អែកលើ និងបញ្ចប់ការវាយប្រហារលើជនអន្តោប្រវេសន៍ ជនឆ្លងដែន និងសហគមន៍ផ្សេងទៀត៕