មហាសេដ្ឋីបច្ចេកវិទ្យា លោក Elon Musk ដែលទទួលភារកិច្ចពីប្រធានាធិបតីសហរដ្ឋអាមេរិក លោក Donald Trump ក្នុងការកាត់បន្ថយរដ្ឋាភិបាលសហព័ន្ធ បាននិយាយកាលពីថ្ងៃព្រហស្បតិ៍ ទី១០ មេសា ក្នុងអំឡុងពេលកិច្ចប្រជុំគណៈរដ្ឋមន្ត្រីនៅសេតវិមានថា លោករំពឹងថានឹងសន្សំប្រាក់បានចំនួន១៥០ពាន់លានដុល្លារសម្រាប់ឆ្នាំសារពើពន្ធ២០២៦ ពី «ការកាត់បន្ថយការខ្ជះខ្ជាយ និងការកេងបន្លំ»។

រដ្ឋមន្ត្រីក្រសួងយុត្តិធម៌របស់សហរដ្ឋអាមេរិក លោកស្រី Pam Bondi បាននិយាយថា ក្រសួងរបស់លោកស្រី បាន ចាប់ខ្លួនមនុស្ស៤នាក់ប្រឆាំងនឹងអ្នកដែលបំផ្លាញទ្រព្យសម្បត្តិក្រុមហ៊ុន Tesla ហើយពួកគេទាំងអស់នឹងកំណត់ឲ្យជាប់ពន្ធនាគាររយៈពេល២០ឆ្នាំដោយគ្មាន «ការចរចា» ក្នុងអំឡុងពេលកិច្ចប្រជុំគណៈរដ្ឋមន្ត្រី។

នៅក្នុងកិច្ចប្រជុំនោះ លោក Trump បាននិយាយថា លោកបានទិញរថយន្ត Tesla ក្នុងតម្លៃខ្ពស់បំផុត ជាសញ្ញានៃការគាំទ្រដល់ លោក Musk ដែលកំពុងគ្រប់គ្រងក្រសួងប្រសិទ្ធភាពរដ្ឋាភិបាល ប៉ុន្តែលោក Musk ពុំទទួលបានការផ្តល់តម្លៃឲ្យបានសមរម្យឡើយ។