ទីផ្សារការងាររបស់ចក្រភពអង់គ្លេស បានធ្លាក់ចុះខ្លាំងជាថ្មីម្តងទៀតនៅក្នុងខែមីនា ជាមួយនឹងចំនួនមនុស្សដែលកំពុងស្វែងរកការងារធ្វើ បានកើនឡើងច្រើនបំផុតក្នុងរយៈពេលជាង ៤ឆ្នាំ ដោយសារក្រុមហ៊ុនបានបញ្ឈប់បុគ្គលិក និងមានការប្រុងប្រយ័ត្នចំពោះការជួលថ្មី នេះបើយោងតាមការស្ទង់មតិ ដែលចេញផ្សាយនាថ្ងៃសុក្រ (១១ មេសា) នេះ។

សហព័ន្ធជ្រើសរើសបុគ្គលិក និងការងារ REC បាននិយាយថា ល្បឿននៃការជួលបុគ្គលិកបានថយចុះ ដោយបានបង្កើនល្បឿននៃការធ្លាក់ចុះនៅមុខតំណែងអចិន្ត្រៃយ៍ដល់ ២ឆ្នាំកន្លះ បើទោះបីជាការថយចុះនោះតិចជាងកាលពីដើមឆ្នាំក៏ដោយ។

ភាពអាចជួលបាននៃបុគ្គលិក ពោលគឺអ្នកកំពុងរកការងារធ្វើ បានកើនឡើងក្នុងអត្រាលឿនបំផុតចាប់តាំងពីខែធ្នូ ឆ្នាំ២០២០ ជាមួយនឹងការឈប់សម្រាក និងមុខតំណែងការងារតិចជាងមុន ដែលលើកឡើងថាជាកត្តានៅពីក្រោយទីផ្សារការងារចុះខ្សោយនេះ។

ធនាគារកណ្តាលអង់គ្លេស កំពុងតាមដានសម្ពាធអតិផរណានៅក្នុងទីផ្សារការងារ ខណៈខ្លួនពិចារណាថានៅពេលណាដែលត្រូវកាត់បន្ថយអត្រាការប្រាក់។ ការស្ទង់មតិដាច់ដោយឡែកមួយទៀតដែលចេញផ្សាយក្នុងពីថ្ងៃសុក្រដូចគ្នានេះ បានបង្ហាញថា ទំនុកចិត្តរបស់អ្នកប្រើប្រាស់អង់គ្លេស នៅតែថេរនៅក្នុងត្រីមាសទីមួយនៃឆ្នាំ ២០២៥៕