ប្រភពជនជាតិឃើដមួយ បាននិយាយកាលពីថ្ងៃព្រហស្បតិ៍ថា អាជ្ញាធរឃើដ នៅភាគឦសានប្រទេសស៊ីរី បានធ្វើកិច្ចព្រមព្រៀងមួយ ជាមួយរដ្ឋាភិបាលកណ្តាល លើការដំណើរការទំនប់ដ៏សំខាន់មួយ ដែលពួកគេដណ្តើមបានកាន់ពីក្រុមជ្រុលនិយម ដោយមានការគាំទ្រពីសហរដ្ឋអាមេរិក។  

ប្រភពបានប្រាប់សារព័ត៌មាន AFP ថា៖«កិច្ចព្រមព្រៀងមួយ ត្រូវបានឈានដល់រវាងរដ្ឋបាលស្វយ័ត និង   រដ្ឋាភិបាលស៊ីរីសម្រាប់ការគ្រប់គ្រងទំនប់ Tishrin នៅលើទន្លេ Euphrates។

ប្រភពបាននិយាយថា នៅក្រោមកិច្ចព្រមព្រៀងនេះ យុទ្ធជនដឹកនាំដោយឃើដនៃកងកម្លាំងប្រជាធិបតេយ្យស៊ីរី នឹងដកចេញពីទំនប់ ដែលពួកគេដណ្តើមបានពីក្រុមរដ្ឋឥស្លាមដេស( Daesh) នៅចុងឆ្នាំ   ២០១៥។

ក្រុមអ្នកប្រយុទ្ធដែលស្មោះត្រង់នឹងរដ្ឋាភិបាលថ្មីដែលដឹកនាំដោយឥស្លាម នៅទីក្រុងខដាម៉ាស                ( Damascus) ដែលត្រូវបានបង្កើតឡើងបន្ទាប់ពីបុរសខ្លាំងលោក បាសា អាល់អាសាដ ( Bashar al-Assad) បានដួលរលំ កានពីខែធ្នូ នឹងគ្រប់់គ្រងផ្នែកសន្តិសុខ ហើយរដ្ឋបាលរួម នឹងដំណើរការទំនប់      វារីអគ្គិសនីនេះ។

ទំនប់នេះ គឺជាទំនប់មួយក្នុងចំណោមទំនប់ជាច្រើន នៅលើទន្លេ Euphrates និងដៃទន្លេរបស់ខ្លួន ក្នុងប្រទេសស៊ីរី ដែលដើរតួនាទីយ៉ាងសំខាន់សម្រាប់សេដ្ឋកិច្ចរបស់ប្រទេសនេះ ដោយផ្តល់ទឹកសម្រាប់ប្រព័ន្ធធារាសាស្រ្ត និងថាមពលវារីអគ្គិសនី។