រដ្ឋមន្រ្តីការបរទេសរុស្ស៊ីលោក Sergei Lavrov បាននិយាយបន្ទរអំណះអំណាងរបស់រដ្ឋមន្រ្តីការពារជាតិរុស្ស៊ី និងវិមានក្រឹមឡាំងចំពោះការវាយប្រហារស្លាប់មនុស្សនៅទីក្រុងភាគខាងជើង Sumy របស់អ៊ុយក្រែន ។

រុស្ស៊ី និយាយថា កាលពីថ្ងៃអាទិត្យកន្លេងទៅ មីស៊ីល ២គ្រាប់របស់រុស្ស៊ី បានវាយប្រហារការជួបជុំគ្នារបស់ក្រុមមន្រ្តីយោធាអ៊ុយក្រែននៅទីក្រុង Sumy ជាទីដែលអ៊ុយក្រែននិយាយថា ការវាយប្រហាររបស់រុស្ស៊ី បានសម្លាប់មនុស្ស ៣៤នាក់ និងមនុស្ស ១១៧នាក់ផ្សេងទៀត បានរងរបួស ។

នៅក្នុងរូបភាពវីដេអូឃ្លីបពីបទសម្ភាសន៍ជាមួយកាសែតរុស្ស៊ី Kommersant លោកនិយាយថា លោក Lavrov និយាយថា ការវាយប្រហាររបស់រុស្ស៊ីនៅទីក្រុង Sumy គោលដៅលើការជួបជុំគ្នារបស់ក្រុមមន្រ្តីយោធាអ៊ុយក្រែន និងលោកខាងលិច ។

លោកបន្តថា ក្រុមមន្រ្តីយោធាលោកខាងលិចបានក្លែងខ្លួនធ្វើជាទាហានស៊ីឈ្នូល ប៉ុន្តែលោកពុំបានផ្តល់ភ័ស្តុតាងគាំទ្រអំណះអំណាងរបស់លោកនោះឡើយ ។

ក្រសួងការពារជាតិរុស្ស៊ី បានចោទប្រកាន់អ៊ុយក្រែនថាប្រើប្រាស់ជនស៊ីវិលធ្វើជាខែលមនុស្ស ដោយដាក់ទីតាំងយោធានៅកណ្តាលទីក្រុងមានមនុស្សរស់នៅច្រើនមួយនេះ ។

នៅមិនទាន់មានការឆ្លើយតបភ្លាមៗនោះទេពីទីក្រុងគីវ ចំពោះការចោទប្រកាន់ខែលមនុស្សមួយនេះ ៕