ក្រសួងការពារជាតិរុស្ស៊ី បាននិយាយនៅក្នុងសេចក្តីថ្លែងការណ៍មួយថា កាលពីយប់ថ្ងៃពុធ ប្រព័ន្ធការពារដែនអាកាស បានស្ទាក់ចាប់ និងបំផ្លាញយានដ្រូនរបស់អ៊ុយក្រែនចំនួន ៧១គ្រឿង នៅពីខាងលើតំបន់ចំនួន ៦ របស់រុស្ស៊ី។

សេចក្តីថ្លែងការណ៍ បានឲ្យដឹងថា៖«កាលពីយប់មិញ កងការពារដែនអាកាសដែលកំពុងបំពេញកាតព្វកិច្ច បានបំផ្លាញ និងស្ទាក់ចាប់យានដ្រូនរបស់អ៊ុយក្រែនចំនួន ៧១គ្រឿង ក្នុងនោះ ៤៩គ្រឿង នៅលើតំបន់  ឃើស (Kursk) ៧គ្រឿង នៅលើតំបន់ Oryol និងតំបន់ Ryazan, ៤គ្រឿង នៅតំបន់ Bryansk, ៣គ្រឿង នៅតំបន់ Vladimir និងមួយគ្រឿង នៅលើតំបន់ Tula»។

អភិបាលតំបន់ Ryazan លោក Pavel Malkov បានរាយការណ៍ថា មិនមានអ្នកស្លាប់ ឬការខូចខាត     សម្ភារៈដោយសារការវាយប្រហារដោយយានដ្រូនរបស់អ៊ុយក្រែននោះទេ។ អភិបាលតំបន់ លោក Andrey Klychkov បាននិយាយថា មិនមានអ្នកស្លាប់ ឬការខូចខាតណាមួយ នៅក្នុងតំបន់ Oryol នោះទេ។

លោក Alexander Bogomaz អភិបាលនៃតំបន់ Bryansk ជាប់ព្រំដែនរុស្ស៊ី មិនបានរាយការណ៍ពីការស្លាប់ ឬការខូចខាតណាមួយ ពីការវាយប្រហារដោយយានដ្រូនរបស់អ៊ុយក្រែនទេ។