កូរ៉េខាងជើង៖ មន្ត្រីបាននិយាយថា មេដឹកនាំកូរ៉េខាងជើងលោក Kim Jong Un បានសង្កត់ធ្ងន់ថា ទាហានរបស់លោកត្រូវតែស្មោះស្ម័គ្រចំពោះគោលនយោបាយបក្សពលកររបស់លោក នៅពិធីជួបជុំដ៏ធំមួយនៃក្រុមគ្រូបង្ហាត់កងទ័ពកាលពីកន្លងទៅនៅក្នុងរដ្ឋធានី Pyongyang។
ទីភ្នាក់ងារសារព័ត៌មានរដ្ឋកូរ៉េខាងជើង KCNA បានរាយការណ៍នៅព្រឹកថ្ងៃអង្គានេះថា សន្និសីទលើកទី៨ នៃអ្នកបណ្ដុះបណ្ដាលយោធារបស់ទាហានកូរ៉េបានធ្វើឡើងកាលពីចុងសប្ដាហ៍មុន។ វាជារឿងធម្មតាទេ សម្រាប់សារព័ត៌មានរដ្ឋកូរ៉េខាងជើងដែលតែងតែរាយការណ៍ពីព្រឹត្តិការណ៍នានាមួយថ្ងៃ ឬច្រើនថ្ងៃបន្ទាប់ពីព្រឹត្តិការណ៍បានបញ្ចប់។ ប្រព័ន្ធផ្សព្វផ្សាយរដ្ឋបានរាយការណ៍នៅថ្ងៃអង្គារនេះថា មេដឹកនាំកូរ៉េខាងជើងលោក Kim Jong Un បាននិយាយថា ប្រព័ន្ធអប់រំយោធារបស់ប្រទេសត្រូវតែបង្កើនកិច្ចខិតខំប្រឹងប្រែងឡើងវិញ ដើម្បីបង្ហាញមុខមន្ត្រីដែល "នៅតែស្មោះត្រង់" ចំពោះគណបក្សកាន់អំណាចរបស់ប្រទេសនេះ។ នេះគឺជាព្រឹត្តិការណ៍ចុងក្រោយបំផុតនៃព្រឹត្តិការណ៍ និងយុទ្ធនាការសាធារណៈនានា ផ្ដោតលើការបង្កើនភាពស្មោះត្រង់ខាងនយោបាយ ខណៈលោក Kim ត្រៀមរៀបចំពិធីគម្រប់ខួបឡើងកាន់អំណាចរយៈពេល ១០ឆ្នាំនៅខែនេះ៕
អត្ថបទ៖ សុខមាន