អង់គ្លេស៖ ជនភៀសខ្លួនរ៉ូហ៊ីងយ៉ារាប់សិបនាក់នៅក្នុងចក្រភពអង់គ្លេស និងសហរដ្ឋអាមេរិកបានប្ដឹងក្រុមហ៊ុន Facebook ដោយចោទប្រកាន់ក្រុមហ៊ុនប្រព័ន្ធបណ្ដាញសង្គមដ៏ធំមួយនេះថា បានអនុញ្ញាតឲ្យមានការប្រើសម្ដីស្អប់ខ្ពើមប្រឆាំងនឹងពួកគេកាន់តែខ្លាំង។
ពួកគេកំពុងទាមទារជំងឺចិត្តជាង ១៥០ពាន់លានដុល្លារអាមេរិកដោយអះអាងថា កម្មវិធីនានារបស់ក្រុមហ៊ុន Facebook បានជំរុញឲ្យមានអំពើហិង្សាប្រឆាំងនឹងជនជាតិភាគតិចដែលត្រូវបានរងការធ្វើបាប។ ជនជាតិភាគតិចមូស្ល៊ីមរ៉ូហ៊ីងយ៉ាប្រមាណ ១ម៉ឺននាក់ត្រូវបានសម្លាប់អំឡុងការបង្ក្រាបដោយយោធានៅក្នុងសហភាពមីយ៉ាន់ម៉ា ដែលកាន់សាសនាព្រះពុទ្ធភាគច្រើនកាលពីឆ្នាំ២០១៧។ ក្រុមហ៊ុនបណ្ដាញសង្គម Facebook ដែលពេលនេះគេហៅថា Meta មិនបានឆ្លើយតបភ្លាមៗចំពោះការចោទប្រកាន់នេះទេ៕
អត្ថបទ៖ សុខមាន