ព្រះសពសម្តេចប៉ាប ហ្វ្រង់ស៊ីស ត្រូវបានរំកិលចេញពីវិវេសនដ្ឋានទៅកាន់វិហារ Basilica ស្ថិតក្នុងទីក្រុង St Peter ខណៈដែលអ្នកកាន់ទុក្ខជាង ២ម៉ឺននាក់ បានជួបជុំគ្នានៅវិមានវ៉ាទីកង់ ដើម្បីដាក់ពាក្យដើរកាត់ព្រះក្តារមឈូសបើកចំហររបស់ព្រះអង្គ ។ 

មន្រ្តីសង្ឃជាន់ខ្ពស់ Kevin Farrell ដែលនឹងគ្រប់គ្រងបុរីវ៉ាទីកង់រហូតដល់អ្នកបន្តវេនសម្តេចប៉ាប ហ្វ្រង់ស៊ីស ត្រូវបានជ្រើសរើសនោះ នឹងត្រួតពិនិត្យពិធីបិទព្រះក្តារមឈូនៅថ្ងៃសុក្រខាងមុខនេះ ។

ចាប់តាំងពីការសោយទិវង្គតរបស់សម្តេចប៉ាប ហ្វ្រង់ស៊ីស សន្តិសុខត្រូវបានរឹងបន្តឹង ហើយវិធានការផ្សេងទៀត ត្រូវបានធ្វើឡើងផងដែរ ។

គួររំឭកថា សម្តេចប៉ាប ហ្វ្រង់ស៊ីស បានចូលសោយទិវង្គតកាលពីព្រឹកថ្ងៃចន្ទ បន្ទាប់ពីប្រឈួនខ្លាំងដោយរោគដាច់សរសៃឈាមខួរក្បាល និងគាំងបេះដូង ហើយពិធីបុណ្យព្រះសពរប់ទ្រង់នឹងរៀបចំឡើងនៅថ្ងៃសៅរ៍ ដោយមានការចូលរួមពីក្រុមមេដឹកនាំជាច្រើននៅជុំវិញពិភពលោក ។ 

បុរីវ៉ាទីកង់ បានចេញផ្សាយរូបព្រះឆាយាល័ក្ខណ៍របស់សម្តេចប៉ាប ហ្វ្រង់ស៊ីស ដោយគ្រងព្រះពស្រ្ត តម្កល់ក្នុងព្រះមឈូសាបើកចំហមួយដាក់ក្នុងវិហារ Santa Marta ជាទីដែលទ្រង់គង់នៅកំឡុងពេលរាជ្យជាសម្តេចប៉ាបរយៈពេល ១២ព្រះវស្សាមកនេះ ៕