ក្រោមការបញ្ជាដឹកនាំផ្ទាល់ពីលោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជ​អាវុធ​ហត្ថ​លើ​ផ្ទៃ​ប្រទេស និងជាមេបញ្ជាការ កងរាជអាវុធហត្ថរាជធានីភ្នំពេញ កម្លាំងអាវុធ​ហត្ថ​រាជ​ធានី​ភ្នំពេញ​ស្រាវជ្រាវ បង្ក្រាបករណីឆបោក​ទឹកប្រាក់រាប់លានដុល្លារឃាត់ខ្លួនជនជាតិស្បែកខ្មៅ ២នាក់ កាលពីថ្ងៃទី១៩ ខែមេសា ឆ្នាំ២០២៥ ។

កងរាជអាវុធហត្ថរាជធានីភ្នំពេញ បញ្ជាក់ថា ពាក់ព័ន្ធករណី​នេះ​ជន​រង​គ្រោះ​ខាត​បង់​ប្រាក់​រហូត​ដល់​ ៧លានដុល្លារ ដោយក្រុមឆបោកបានបន្លំប្តូរប្រាក់ នៅពេលដាក់ចូលក្នុងម៉ាស៊ីន ដោយ​ត្រឡប់​ប្រាក់​ពិតប្រាកដចុះទៅក្នុងប្រអប់សម្ងាត់នៅបាតម៉ាស៊ីន និងជំនួសមកវិញ​នូវ​ប្រាក់​សែន​ខ្មោច​) ហើយសមត្ថកិច្ច អាវុធហត្ថរាជធានីភ្នំពេញ ឃាត់ខ្លួនបានត្រឹមជនជាតិស្បែកខ្មៅ ០២នាក់ កសាង​សំណុំរឿងបញ្ជូនទៅតុលាការ ដើម្បីធ្វើការផ្តន្ទាទោសតាមច្បាប់ រីឯបក្ខពួក​ជន​ល្មើស​ដែល​នៅ​សេស​សល់ កម្លាំងកងរាជអាវុធហត្ថ​រាជ​ធានីភ្នំពេញ កំពុងធ្វើការស្រាវជ្រាវស្វែងរកបន្តទៀត៕ តារាវុទ្ធី