ក្រុមជនអន្តោប្រវេសន៍វេណេស៊ុយអេឡាចំនួន ៣១៦ នាក់បានត្រឡប់ទៅប្រទេសកំណើតវិញ កាលពីថ្ងៃព្រហស្បតិ៍ ពីប្រទេសម៉ិកស៊ិក តាមជើងហោះហើររបស់ក្រុមហ៊ុនអាកាសចរណ៍រដ្ឋ Convias។

ទូរទស្សន៍រដ្ឋ Venezolana de Television បានរាយការណ៍ថា អ្នកធ្វើមាតុភូមិនិវត្តន៍រួមមានមនុស្សពេញវ័យ១៧៤ នាក់  កុមារនិងក្មេងជំទង់១៤២នាក់។

របាយការណ៍បាននិយាយថា ប្រជាជនវេណេស៊ុយអេឡា ជាង៣.០០០នាក់ បានត្រឡប់ទៅប្រទេសកំណើតរបស់ពួកគេវិញតាមរយៈអ្វីដែលគេហៅថា ផែនការត្រឡប់ទៅមាតុភូមិវិញក្នុងអំឡុងត្រីមាសទីមួយនៃឆ្នាំនេះ។

ដោយបានចាប់ផ្តើមនៅក្នុងឆ្នាំ២០១៨ ផែនការត្រឡប់ទៅប្រទេសវិញ គឺជាគំនិតផ្តួចផ្តើមមួយដើម្បីជួយប្រជាជនឱ្យវិលត្រឡប់ទៅវិញដោយមានការគាំទ្រពីរដ្ឋាភិបាល។

អាជ្ញាធរប្រទេសវេណេស៊ុយអេឡា បានបង្ហាញថា ជនអន្តោប្រវេសន៍ជាច្រើននាក់ ដែលត្រឡប់មកពីប្រទេសម៉ិកស៊ិក សុទ្ធតែមានប្រភពចេញពីការវិលត្រឡប់មកពីសហរដ្ឋអាមេរិក។