លោកស្រី Valentina Kazakova ប្រធាននាយកដ្ឋានអន្តោប្រវេសន៍នៃក្រសួងមហាផ្ទៃរុស្ស៊ី បាននិយាយថា អ្នកមាតុភូមិនិវត្តន៍ជាង ២.៦០០នាក់ បានមកដល់ប្រទេសរុស្ស៊ី ចាប់តាំងពីឆ្នាំ ២០២៤។

លោកស្រី បានធ្វើសេចក្តីថ្លែងការណ៍ ក្នុងកិច្ចប្រជុំរួមនៃគណៈកម្មការធនធានមនុស្សរបស់ក្រុមប្រឹក្សារដ្ឋ រុស្ស៊ី និងទីភ្នាក់ងារសម្រាប់គំនិតផ្តួចផ្តើមយុទ្ធសាស្ត្រ។

លោកស្រី បាននិយាយថា៖«ចាប់តាំងពីឆ្នាំ ២០២៤ អ្នកធ្វើមាតុភូមិនិវត្តន៍ជាង ២.៦០០ នាក់ គឺប្រភេទថ្មីនៃអ្នកចូលរួម នៅក្នុងកម្មវិធីរដ្ឋ ដើម្បីជួយដល់ការតាំងទីលំនៅថ្មីដោយស្ម័គ្រចិត្តរបស់ជនរួមជាតិរុស្ស៊ី ដែលរស់នៅបរទេស បានមកដល់ប្រទេសនេះ»។

ដោយធ្វើសកម្មភាពអនុលោមតាមក្រឹត្យនេះ ការិយាល័យរបស់ក្រសួង លោកស្រី Kazakova ក៏បានកត់សម្គាល់ផងដែរថា ការិយាល័យរបស់ក្រសួង បានទទួលយកពាក្យសុំប្រហែល ១.១០០ រួចហើយសម្រាប់ការអនុញ្ញាតឲ្យស្នាក់នៅបណ្តោះអាសន្នរបស់រុស្ស៊ី។

លោកស្រីបានបន្តថា៖«ពាក្យសុំទាំងនេះ គឹភាគច្រើនមកពីពលរដ្ឋនៃសហភាពអឺរ៉ុប សហរដ្ឋអាមេរិក និងប្រទេសកាណាដា»។

យោងតាមលោក Vladislav Shapsha ប្រធានគណៈកម្មការក្រុមប្រឹក្សារដ្ឋរុស្ស៊ី និងជាអភិបាលតំបន់ Kaluga បានឲ្យដឹងថា ការតាំងទីលំនៅថ្មីរបស់ជនបរទេស ត្រូវបានកំណត់ ដើម្បីផ្តល់ធនធានសម្រាប់ការអភិវឌ្ឍសេដ្ឋកិច្ចរបស់ប្រទេស និងជាឱកាសមួយដើម្បី «កសាងធនធានមនុស្ស»។