លោកប្រធានាធិបតី Trump បានស្តីបន្ទោសអ៊ុយក្រែនចំពោះការផ្តួចផ្តើមសង្រ្គាមជាមួយរុស្ស៊ីដោយសម្លឹងមើលសមាជិកភាពណាតូដោយបន្ថែមថាលោកគិតថាតំបន់គ្រីម៉េ នឹងស្ថិតនៅក្រោមការគ្រប់គ្រងរបស់ទីក្រុងមូស្គូ ដែលជាផ្នែកនៃកិច្ចព្រមព្រៀងដើម្បីបញ្ចប់សង្រ្គាម។

នៅក្នុងបទសម្ភាសន៍ជាមួយទស្សនាវដ្តី Time ចេញផ្សាយកាលពីថ្ងៃសុក្រ លោក Trump បានបង្ហាញសុទិដ្ឋិនិយមថា ប្រធានាធិបតីរុស្ស៊ី លោក Vladimir Putin នឹងធ្វើកិច្ចព្រមព្រៀងសន្តិភាពជាមួយប្រធានាធិបតីអ៊ុយក្រែន លោក Volodymyr Zelensky ។

នៅពេលត្រូវបានសួរថាតើអ៊ុយក្រែនគួរតែបោះបង់ក្តីសង្ឃឹមណាមួយក្នុងការចូលរួមជាមួយណាតូនោះ លោក Trump បានរិះគន់ប្រទេសដែលហែកហួរដោយសង្រ្គាមមួយនេះ សម្រាប់ការនិយាយអំពីសម្ព័ន្ធភាពសន្តិសុខនេះ។

លោក Trump បាននិយាយថា លោកគិតថាពួកគេនឹងមិនអាចចូលរួមជាមួយសម្ព័ន្ធយោធា NATO បានទេ។លោកគិតថាដោយសារតែបំណងរបស់អ៊ុយក្រែនចង់ចូល NATO នោះហើយ ទើបបានជាបណ្តាលឱ្យសង្រ្គាមចាប់ផ្តើមរហូតដល់សព្វថ្ងៃនេះ គឺនៅពេលដែលពួកគេចាប់ផ្តើមនិយាយអំពីការចូលរួមសមាជិកភាពNATO នឹងឯង។

លោក Trump និងលោកZelenskyy បានជួបគ្នាមួយភ្លែតដែរនៅក្នុងពិធីបុណ្យព្រះសពសម្ដេចប៉ាប តែពុំបានបញ្ចេញព័ត៌មាន ថាលោកទាំងពីរបានពិភាក្សាអ្វីខ្លះនោះទេ៕