​អង់គ្លេស៖ ចក្រភព​អង់គ្លេស​ជា​ប្រទេស​ដែល​បាន​ចាក់​វ៉ាក់សាំង​បង្ការ​វីរុស COVID-19 ដំបូង​គេ​ក្នុង​ពិភពលោកនៅ​ក្រៅ​ការសាកល្បង​កាល​ពី​មួយ​ឆ្នាំមុន​នៅ​ថ្ងៃ​នេះ​។ កាលពី​ថ្ងៃ​ទី​៨ ​ខែ​ធ្នូ​ ឆ្នាំ​២០២០ លោកយាយ​វ័យ ៩០​​ឆ្នាំ Margaret Keenan បានទទួល​វ៉ាក់សាំង​បង្ការ​វីរុស COVID-19 របស់​ក្រុមហ៊ុន​ផលិត​វ៉ាក់សាំង Pfizer-BioNTech នៅ​មន្ទីរពេទ្យ​សាកលវិទ្យាល័យ​ក្នុង​ទីក្រុង Coventry ដែល​ត្រូវ​បាន​ចាក់ដោយ​គិលានុបដ្ឋាក Matron May Parsons​។

វ៉ាក់សាំង​ជិត ១២០​លាន​ដូ​ស​ត្រូវ​បា​ចាក់​ជូន​ពលរដ្ឋ​នៅ​ទូទាំង​ចក្រភព​អង់គ្លេសក្នុង​ពេល​មួយ​ឆ្នាំ ដោយ​ជួយសង្គ្រោះ​ជីវិត​មនុស្ស​ជាច្រើនរាប់មិនអស់ និង​ជួយ​អង្គភាព​ផ្ដល់​សេវាកម្ម​ផ្នែក​សុខភាព​ជាតិ​កុំ​ឲ្យ​ផ្ទុក​អ្នកជំងឺ​ច្រើន​ហួស​ចំណុះ​។​ ខណៈ​មាន​ករណី​ឆ្លង​រាតត្បាត​នៃ​វីរុស​ប​ម្លែ​ង​ខ្លួន​ថ្មី Omicron និង​បន្ទាប់ពី​ទទួល​បាន​ការណែនាំ​ពី​គណៈកម្មការ​រួម​ស្ដីពី​ការ​ចាក់​វ៉ាក់សាំង​ និង​បង្កើត​ភាព​ស៊ាំកម្មវិធី​ចាក់​វ៉ាក់សាំង​ដូ​ស​ជំរុញ ត្រូវ​បាន​ពង្រីក​នៅ​ទូទាំង​ចក្រភព​អង់គ្លេស​ទៅដល់​យុវជន​មាន​អាយុ​ចាប់ពី​ ១៨​ឆ្នាំ​ឡើង​ទៅ និង​មនុស្ស​ដែល​មាន​អាទិភាព​ទទួលបាន​ការ​ចាក់​វ៉ាក់សាំង​នៅ​ដំណាច់​ខែ​មករា ឆ្នាំ​២០២១៕

អត្ថបទ៖ សុខមាន