អាជ្ញាធរនៅកំពង់ផែ Oakland បានប្រាប់សាររព័ត៌មាន Reuters ថា ពួកគេកំពុង «តាមដានយ៉ាងដិតដល់» ការផ្លាស់ប្តូរចរាចរណ៍ បន្ទាប់ពីការប្រកាសដំឡើងពន្ធរបស់លោកប្រធានាធិបតី Donald Trump ។

ក្រុមមន្ត្រីបាននិយាយថា ការកាត់បន្ថយសេវាកម្មតាមនាវា ត្រូវបានគេដឹងថា «គ្មាននាវាចូលចត» ជាទីដែលផ្លូវដឹកជញ្ជូនបានលុបចោលការធ្វើដំណើរតាមការគ្រោងទុក ឬុផ្អាកការចូលកំពង់ផែ មានការកើនឡើង។

កំពង់ផែ Oakland គឺជាកំពង់ផែដ៏មមាញឹកបំផុតទី៩ របស់ប្រទេស ដោយបរិមាណនៃទូរទំនិញច្រើន ហើយកាលពីឆ្នាំ២០២៣ ពាណិជ្ជកម្មមានប្រហែល ៧៤% របស់កំពង់ផែនេះជាមួយដៃគូអាស៊ី ។

នៅក្នុងសេចក្តីថ្លែងការណ៍មួយ អ្នកតំណាងមកពីកំពង់ផែ Oakland បាននិយាយថា «ខណៈយើងត្រៀមសម្រាប់បញ្ហាប្រឈមធំៗទាក់ទងនឹងការវិវត្តនៃគោលនយោបាយដំឡើងពន្ធ ការផ្តោតសំខាន់របស់យើងនៅតែផ្តោតលើការបម្រើអ្នកវិនិយោគរបស់យើង គាំទ្រដល់ឧស្សាហកម្មនាំចូលនិងនាំចេញរបស់យើង និងធ្វើឲ្យមាននិរន្តរភាពសុខភាពសេដ្ឋកិច្ចនៅក្នុងតំបន់របស់យើង»។

ការកាត់បន្ថយចរាចរណ៍ បង្ហាញពីការផ្លាស់ប្តូរជាច្រើននៅកំពង់ផែអាមេរិកផ្សេងៗទៀត។ លោក Gene Seroka នាយកប្រតិបត្តិកំពង់ផែ Los Angeles បាននិយាយកាលពីថ្ងៃអង្គារ ទី២៩ ខែមេសា ថា កំពង់ផែ រំពឹងថានឹងមានការធ្លាក់ចុះ ៣៥% នៃទំនិញមកពីអាស៊ី ដែលនឹងចាប់ផ្តើមភ្លាមៗនៅសប្តាហ៍ក្រោយ។