កំពង់ឆ្នាំង៖ តាមគោលការណ៍របស់ក្រុមការងារ ដែលដឹកនាំដោយឯកឧត្តម កុល ប៊ុនលី អនុប្រធានក្រុមការងារថ្នាក់កណ្តាលគណបក្សប្រជាជនកម្ពុជា ចុះមូលដ្ឋានស្រុកបរិបូណ៌ ដែលបានប្រជុំសម្រេចកាលពីថ្ងៃទី២៨ ខែមេសា ឆ្នាំ២០២៥, ឯកឧត្តម ឯក ស៊ុនរស្មី ព្រះរាជអាជ្ញាអមសាលាដំបូងខេត្តកំពង់ឆ្នាំង នៅថ្ងៃទី០១ ខែឧសភា ឆ្នាំ២០២៥នេះ បានបន្តចុះពិនិត្យទីលានចាក់សម្រាមរបស់ស្រុកបរិបូណ៌ ខេត្តកំពង់ឆ្នាំង ដើម្បីជំរុញអោយអ្នកម៉ៅការសម្រាម ត្រូវពន្លឿនអនុវត្តការទុកដាក់សម្រាមតាមបច្ចេកទេសអោយបានត្រឹមត្រូវ កុំអោយមានក្លិន និងឆេះ បង្ករផលប៉ះពាល់ដល់សុខុមាលភាព សត្វពាហនៈ និងដំណាំរួមផ្សំរបស់ប្រជាពលរដ្ឋផងដែរ។ 

 អ្នកម៉ៅការសម្រាម បាន និងកំពុងពន្លឿនរកគ្រឿងចក្រ ដើម្បីការជីករណ្តៅកប់សម្រាម និងបានពន្លត់ភ្លើងឆេះសម្រាមរួចហើយ។ ចំណែកសម្រាមមួយចំនួនក៏បានរុញទម្លាក់ចូលរណ្តៅខ្លះ និងកំពុងធ្វើបន្តទៀត៕ កាំង ហុងវាស្នា