នាយករដ្ឋមន្ត្រីអ៊ីស្រាអែល លោក Benjamin Netanyahu បានិយាយថា ការកម្ចាត់សត្រូវរបស់អ៊ីស្រាអែលមានសារៈសំខាន់ជាងការធានាការដោះលែងចំណាប់ខ្មាំងដែលនៅសេសសល់នៅតំបន់ហ្កាហ្សា។ 

ស្របពេលនាយករដ្ឋមន្ត្រីរូបនេះ បានទទួលស្គាល់កាលពីថ្ងៃព្រហស្បតិ៍ថាការដោះលែងចំណាប់ខ្មាំង ៥៩ នាក់ដែលនៅសេសសល់គឺជា "គោលដៅសំខាន់" លោកបានហៅការប្រយុទ្ធរបស់អ៊ីស្រាអែលប្រឆាំងនឹងសត្រូវរបស់ខ្លួនថាជា "គោលបំណងកំពូល" នៃសង្គ្រាម និងកម្ចាត់ក្រុមហាម៉ាសឲ្យអស់។

លោក Netanyahu បាននិយាយថា លោកមានវត្ថុបំណង និងគោលដៅជាច្រើនក្នុងសង្រ្គាមនេះ។ លោកចង់នាំយកចំណាប់ខ្មាំងរបស់ទាំងអស់មកវិញ ។ 

នោះគឺជាគោលដៅសំខាន់ណាស់។ នៅក្នុងសង្រ្គាម មានវត្ថុបំណងកំពូលមួយ។ហើយគោលដៅកំពូលនោះគឺ ជ័យជម្នះលើសត្រូវរបស់អ៊ីស្រាអែល។ នោះហើយជាអ្វីដែលពួកលោកនឹងសម្រេចបាន។

សុន្ទរកថារបស់លោក Netanyahu ដែលបានធ្វើឡើងនៅថ្ងៃបុណ្យឯករាជ្យរបស់អ៊ីស្រាអែល គឺជាលើកទីមួយហើយដែលនាយករដ្ឋមន្ត្រីរូបនេះ បានពិពណ៌នាយ៉ាងច្បាស់អំពីការនាំយកចំណាប់ខ្មាំងមកវិញ ថាជាគោលដៅទីពីរនៃសង្រ្គាម។   

ការលើកឡើងរបស់លោក បានទាញប្រតិកម្មពីតំណាងគ្រួសារចំណាប់ខ្មាំង។

គួរម្លឹកថាលោកធ្លាប់បានពណ៌នាអំពីការកម្ចាត់ក្រុមហាម៉ាស និងធានាការដោះលែងចំណាប់ខ្មាំងថាជាគោលដៅចម្បងនៃសង្គ្រាមរបស់អ៊ីស្រាអែលនៅតំបន់ហ្កាហ្សា៕