អង្គការសុខភាពពិភពលោក (WHO) បាននិយាយនៅក្នុងសេចក្តីថ្លែងការណ៍កាលពីថ្ងៃព្រហស្បតិ៍ថា អាជ្ញាធរសុខាភិបាលនៅសាធារណរដ្ឋប្រជាធិបតេយ្យកុងហ្គោ (DRC) ដោយមានការគាំទ្រផ្នែកបច្ចេកទេសពីអង្គការសុខភាពពិភពលោក (WHO) បានបង្កើនវិធានការបន្ទាន់ក្នុងការឆ្លើយតបទៅនឹងការផ្ទុះឡើងជំងឺអង់ត្រាក់ ឬបូស នៅក្នុងខេត្ត North Kivu ភាគខាងកើត។

សេចក្តីថ្លែងការណ៍បាននិយាយថា រដ្ឋាភិបាលកុងហ្គោ និងអង្គការសុខភាពពិភពលោក(WHO) បានផ្តួចផ្តើមការបង្កើនការតាមដានជំងឺ និងការស៊ើបអង្កេតរោគរាតត្បាតដើម្បីកំណត់អត្តសញ្ញាណប្រភព និងបណ្តាញចម្លង ដោយបាននិយាយថា ការផ្គត់ផ្គង់ផ្នែកវេជ្ជសាស្រ្តកំពុងត្រូវបានចែកចាយ ហើយអ្នកជំងឺកំពុងទទួលបានការព្យាបាលសមរម្យ។

ការសម្របសម្រួលឆ្លងព្រំដែនជាមួយអាជ្ញាធរប្រទេសអ៊ុយហ្គង់ដា ក៏ត្រូវបានធ្វើឡើងផងដែរ ដើម្បីពង្រឹងកិច្ចខិតខំប្រឹងប្រែងទប់ស្កាត់។ លោកស្រី Boureima Sambo តំណាងអង្គការសុខភាពពិភពលោកប្រចាំ ប្រទេសកុងហ្គោ និយាយថា «កិច្ចខិតខំប្រឹងប្រែងរបស់យើង គឺផ្តោតលើការបំបែកការចម្លងវីរុសពីសត្វទៅមនុស្សឲ្យបានយ៉ាងឆាប់រហ័ស»។ យើងកំពុងធ្វើការយ៉ាងជិតស្និទ្ធជាមួយរដ្ឋាភិបាល សហគមន៍ និងដៃគូនានា ដើម្បីពង្រឹងវិធានការឆ្លើយតប ការពារសុខភាពសាធារណៈនាពេលនេះ និងនៅពេលអនាគត។